សន្និសីទបូកសរុបរយៈពេល៣ឆ្នាំនៃការអនុវត្ត CPTPP។ (រូបថត៖ qdnd.vn)

សហគ្រាសវៀតណាមបានទាញយកឱកាសក្នុងទីផ្សារ CPTPP និងសម្រេចបានលទ្ធផលវិជ្ជមាន។ នេះជាការវាយតម្លៃក្នុងសន្និសីទបូកសរុបរយៈពេល៣ឆ្នាំនៃការអនុវត្ត CPTPP ក្រោមប្រធានបទ “ទាញយកប្រយោជន៍ពីអ្នកត្រួសត្រាយផ្លូវ” ដោយក្រសួងឧស្សាហកម្ម និងពាណិជ្ជកម្មរៀបចំឡើង នាព្រឹកថ្ងៃទី២៦ ខែធ្នូ នៅទីក្រុងហាណូយ។

គិតត្រឹមដំណាច់ខែតុលា ឆ្នាំ ២០២២ ទំហំពាណិជ្ជកម្មនៃការនាំចូល-នាំចេញសរុបរវាងប្រទេសវៀតណាម និងប្រទេសជាសមាជិក CTPPP សម្រេចបានជាង ៨៨ ពាន់លានដុល្លារ ដែលកើនឡើងប្រហែល ១៩% ធៀបនឹងរយៈពេលដូចគ្នាកាលពីឆ្នាំមុន។ ក្នុងនោះ ទំហំពាណិជ្ជកម្មនៃការនាំចេញទៅកាន់ទីផ្សារប្រទេសសមាជិក CPTPP សម្រេចបានជាង ៤៥ ពាន់លានដុល្លារអាមេរិក កើនឡើងជាង ២២% ក្នុងរយៈពេលដូចគ្នានេះ។

នាបច្ចុប្បន្ន សហគ្រាសវៀតណាមបានទាញយកផលប្រយោជន៍ពីកិច្ចព្រមព្រៀងនេះ បង្កើនការនាំចេញទំនិញទៅកាន់ទីផ្សារ។   យោងតាម លោកស្រី Nguyen Thi Thu Trang នាយិកាមជ្ឈមណ្ឌល WTO និងសមាហរណកម្ម សភាពាណិជ្ជកម្ម និងឧស្សាហកម្មវៀតណាម (VCCI) បាននិយាយថា សហគ្រាសចាំបាច់ត្រូវបង្កើនល្បឿនបន្ថែមទៀត៖ “យោងតាមការស្ទង់មតិឆ្នាំ ២០២២ ដែលយើងអនុវត្តន៍ ការយល់ដឹងរបស់អាជីវកម្ម និងការទទួលបានព័ត៌មានអំពីកិច្ចព្រមព្រៀងពាណិជ្ជកម្មសេរីមានកាន់តែច្រើន មានភាពប្រសើរឡើងគួរឱ្យកត់សម្គាល់បើប្រៀបធៀបទៅនឹងឆ្នាំ ២០២០ ប៉ុន្តែមិនគ្រប់គ្រាន់ទេ។ ចាំបាច់ត្រូវមានជំនួយខាងព័ត៌មាន សម្រាប់ផលិតផលនីមួយៗ ដើម្បីទាញយកអត្ថប្រយោជន៍ពីពន្ធគយ ឬរឿងរ៉ាវទីផ្សារនៃផលិតផលនោះ អ្វីដែលត្រូវបានទាមទារ។ នោះគឺជាព័ត៌មានដែលរដ្ឋអាចគាំទ្រអាជីវកម្ម”៕