បេក្ខជននៃគណបក្សប្រជាជនអឺរ៉ុប (EPP) លោក Manfred Weber

ក៏ប៉ុន្តែ ភាគីនានាមានការខ្វែងគំនិតគ្នាដោយមានទស្សនៈផ្សេងៗពីគ្នាលើបេក្ខជន ជាពិសេសគឺតំណែងប្រធានគណៈកម្មការអឺរ៉ុប (EC) ដែលជាស្ថាប័នប្រតិបត្តិរបស់សហភាពអឺរ៉ុប។ ថ្លែងទៅកាន់មជ្ឈដ្ឋានសារព័ត៌មានបន្ទាប់ពីជំនួបនោះ អធិការបតីអាល្លឺម៉ង់ លោកស្រី Angela Merkel បានមានប្រសាសន៍ថាលោកស្រី បានគាំទ្របេក្ខជននៃគណបក្សប្រជាជនអឺរ៉ុប (EPP) លោក Manfred Weber ធ្វើជាប្រធាន EC ។ ទោះជាយ៉ាងណាក៏ដោយ លោកស្រី Merkel បានបញ្ជាក់ថាថ្នាក់ដឹកនាំសហភាពអឺរ៉ុបមួយចំនួន បានគាំទ្របេក្ខជនផ្សេងៗទៀតហើយក៏ស្វែងរកការសម្រុះសម្រួលជាបន្តទៀតនាពេលអនាគតផងដែរ។

ចំពោះប្រធានាធិបតីបារាំង លោក Emmanuel Macron វិញ លោកបានមានប្រសាសន៍ថា លោកមានបំណងចង់ឃើញស្ត្រី ២ រូប និងបុរស ២ រូបទៀតដែលមានឥរិយាបថស្វាហាប់ ឲ្យក្លាយទៅជាថ្នាក់ដឹកនាំសហភាពអឺរ៉ុប ក្នុងរយៈពេល ៥ ឆ្នាំខាងមុខ បើទោះបីជាលោកមិនបង្ហើបឲ្យដឹងឈ្មោះបេក្ខជនទាំងនេះនៅពេលនេះក៏ដោយ៕