ទីប្រឹក្សាសន្តិសុខជាតិអាមេរិកលោក John Bolton (រូបថត៖ vnanet.vn)

ខណៈដែល ប្រធានាធិបតីអាមេរិកលោក Donald Trump មិនបានធ្វើអត្ថាធិប្បាយណាមួយ ចំពោះព័ត៌មានដែលថា ស.ប.ប.ក ព្រមានអាចបញ្ឈប់កិច្ចសន្ទនា ហើយបន្តធ្វើសកម្មភាពបង្ករឿងហេតុនោះ បណ្ដាទីប្រឹក្សាសន្តិសុខរបស់សេតវិមានបានចាត់ទុកថា កាយវិកានេះគឺជាទង្វើ"បំផ្លិចបំផ្លាញជំនឿទុកចិត្ត "។

ឆ្លើយសម្ភាសន៍នៅវិទ្យុសម្លេងកាលពី ថ្ងៃទី ១៧ ខែមិនា ទីប្រឹក្សាសន្តិសុខជាតិអាមេរិកលោក John Bolton បានឲ្យដឹងថា ពិតជាសោកស្ដាយណាស់ ដោយសារ ស.ប.ប.ក មិនទាន់ត្រៀមខ្លួនជាស្រេចធ្វើអ្វី ដែលពួកគេគប្បីធ្វើ។ លោកទីប្រឹក្សាសន្តិសុខជាតិអាមេរិកក៏បានអំពាវនាវឲ្យចិនគប្បីបង្កើនការដាក់សម្ពាធទៅលើព្យុងយ៉ាង អនុវត្តន៍បទដាក់ទណ្ឌកម្មរបស់ អង្គកាសហប្រជាជាតិ យ៉ាងម៉ឹងម៉ាត់ ថែមទៀត ខណៈដែលប៉េកាំងគ្រប់គ្រងពាណិជ្ជកម្មក្រៅប្រទេសដល់ ៩០ % របស់ព្យុងយ៉ាង។

ទន្ទឹមនឹងនេះ ក្នុងការឆ្លើយសម្ភាសន៍ Fox News នាថ្ងៃដដែល នាយខុទ្ទកាល័យស្ដីទី សេតវិមានលោក Mick Mulvaney បានប្រមានថា ស.ប.ប.ក មិនគប្បី បំផ្លិចបំផ្លាញជំនឿទុកចិត្តឡើយ។ ហើយការបន្តបាញ់បង្ហោះមីស៊ីលត្រូវបានចាត់ទុកថាបានបំផ្លិចបំផ្លាញជំនឿទុកចិត្ត ខណៈដែលភាគីទាំងពីរកំពុង ស្ថិតនៅក្នុងដំណើរការចរចា៕