ទីប្រឹក្សាសន្តិសុខជាតិអាមេរិកលោក Jake Sullivan ។ រូបថត៖ រ៉យទ័រ

កាលពីថ្ងៃទី ២៨ ខែធ្នូ សហរដ្ឋអាមេរិកបានអបអរសាទរចំពោះការដែលកូរ៉េខាងត្បូងបានអនុម័តលើយុទ្ធសាស្ត្រឥណ្ឌូប៉ាស៊ីហ្វិក ដោយពណ៌នាថាយុទ្ធសាស្ត្រនេះគឺជាការឆ្លុះបញ្ចាំងពីការប្តេជ្ញាចិត្តរួមគ្នារបស់សម្ព័ន្ធមិត្តចំពោះសន្តិសុខ និងវិបុលភាពក្នុងតំបន់។ ក្នុងសេចក្ដីប្រកាសមួយទីប្រឹក្សាសន្តិសុខជាតិអាមេរិកលោក Jake Sullivan បានលើកច្បាស់ថា យុទ្ធសាស្ត្រនេះបានបង្ហាញពីការប្តេជ្ញាចិត្តរបស់ប្រធានាធិបតីកូរ៉េខាងត្បូងលោក Yoon Suk-yeol ក្នុងការពង្រីកកិច្ចសហប្រតិបត្តិការជាមួយសម្ព័ន្ធមិត្ត និងដៃគូក្នុងតំបន់មហាសមុទ្រឥណ្ឌា-ប៉ាស៊ីហ្វិក; បង្កើនសមត្ថភាពរួមជាមួយសហរដ្ឋអាមេរិក ដើម្បីពង្រឹងសន្តិភាព និងសន្តិសុខអន្តរជាតិ ក៏ដូចជាជំរុញការមិនរីកសាយភាយអាវុធនុយក្លេអ៊ែរ។