ហុងកុងរៀបចំពិធីបង្ហូតទង់ជាតិក្នុងឱកាសរំលឹកខួបអនុស្សាវរីយ៍ លើកទី ២២ នៃការបង្កើតតំបន់រដ្ឋបាលពិសេស

មុននេះចាប់ពីរាត្រីថ្ងៃទី ៣០ ខែមិថុនា មានយុវជនហុងកុងរាប់រយនាក់បានប្រមូលផ្តុំគ្នារាំងស្កាត់តាមដងផ្លូវនៅខាងក្រៅមជ្ឈមណ្ឌលសន្និសីទ - ពិព័រណ៍ទីក្រុងហុងកុង សំដៅរារាំងមិនឱ្យអាជ្ញាធររៀបចំឡើងពិធីបង្ហូតទង់ជាតិនេះផងដែរ ។ មានមនុស្សមួយចំនួនបានធ្វើអំពើហឹង្សាសំដៅបំផ្លាញពិធីបង្ហូតទង់ជាតិមនេះផងដែរ។ ទោះបីជាយ៉ាងណាក៏ដោយ ជាមួយនឹងវិធានការពិសេសរបស់រដ្ឋអំណាចទីក្រុងហុងកុង ពិធីបង្ហូតទង់ជាតិបានប្រព្រឹត្តទៅដោយរលូន ហើយ មាននគរបាលហុងកុងរាប់រយនាក់ត្រូវបានកេណ្ឌប្រមូលដើម្បីធានាសុវត្ថិភាពសម្រាប់ពិធីនេះដែរ។ នាថ្ងៃទី ១ ខែកក្ក រដ្ឋអំណាចនៃតំបន់រដ្ឋបាលពិសេសហុងកុង (ចិន) ក៏បានថ្កោលទោសក្រុមបាតុករ ដែលបានកាន់កាប់ទីស្នាក់ការស្ថាប័ននិតិបញ្ញត្តិដោយ ប្រកាសថារាល់ទង្វើរយ៉ាងដូច្នេះ មិនអាចទទួលយកបានក្នុងសង្គមនោះទេហើយប៉ូលីសបានប្រកាសទៀតថាបើមានការរារាំងបន្តទៀត កងកម្លាំងនេះនឹងប្រើប្រាស់វិធានការសមស្របផងដែរ៕