ចិនបានកសាងហេដ្ឋារចនាសម្ព័ន្ធយោធាខុសច្បាប់ជាច្រើននៅលើថ្មប៉ះប្រះទឹក Chu Thap (Fiery Cross Reef)  (រូបថតៈ Reuters )

នៅលើបណ្តាញសង្គម Twitter ផ្ទាល់ខ្លួនចុះផ្សាយថ្ងៃទី ២២ ខែមេសា  រដ្ឋមន្ត្រីការបរទេសហ្វីលីពីន លោក Teodoro Locsin Jr បានឲ្យដឹងថា នារសៀលថ្ងៃ ២២ ខែមេសា ស្ថានទូតចិនប្រចាំនៅទីក្រុងម៉ានីល បានទទួលកំណត់ទូត ពីក្រសួងការបរទេសហ្វីលី ពីន ដែលក្នុងនោះបានចោទប្រកាន់ ចិនរំលោភលើច្បាប់ អន្តរជាតិដោយ ផ្ជង់កាំភ្លើងរ៉ាដា តម្រង់ទៅលើនាវាកងទ័ពជើងទឹកហ្វីលីពីន ក្នុងលំហសមុទ្ររបស់ខ្លួន។ ម្យ៉ាងវិញទៀត ការដែលក្រសួងមហាផ្ទៃចិនបានចេញសេចក្តីប្រកាសអំពីអ្វីដែលហៅថា “តំបន់ Xisha” និង “តំបន់ Nansha” ក្រោមការគ្រប់គ្រងរបស់ “ទីក្រុង Shansha” រួមទាំង តំបន់ថ្មប៉ប្រះទឹក Scarborough និងតំបន់ថ្មប៉ប្រះទឹកផ្កាថ្ម  Fiery គឺជាទង្វើរំលោភយ៉ាងធ្ងន់ធ្ងរទៅលើអធិបតេយ្យភាព បូរណភាព ដែនដីរបស់ហ្វីលីពីន។

មុននេះ អតីតរដ្ឋមន្រ្តីក្រសួងការបរទេសហ្វីលីពីន លោក Albert del Rosario ក៏បានអំពាវនាវឱ្យរដ្ឋាភិបាលនៃប្រទេសនេះ ធ្វើការប្រឆាំងជំទាស់នឹងអាកប្បកិរិយាយ៉ាងទទឹងទទែងរបស់ចិនផងដែរ៕