អគ្គលេខាធិការអង្គការសហប្រជាជាតិអញ្ជើញចូលរួមពិធីបើកសម្ពោធន៍ផ្ទះរួមរបស់អង្គការសហប្រជាជាតិនៅវៀតណាម

        (VOV)_ក្នុងក្របខ័ណ្ឌនៃដំណើរទស្សនកិច្ចនៅវៀតណាម នាព្រឹកថ្ងៃទី​២២
 ឧសភា  អគ្គលេខាធិការអង្គការសហប្រជាជាតិ លោក Ban Ki Moon ​បាន​មានជំ
នួបសន្ទនាជាមួយឧបនាយករដ្ឋមន្ត្រី និងជារដ្ឋមន្ត្រីការបរទេសវៀតណាម លោក 
Pham Binh Minh។ បន្ទាប់នោះ ថ្នាក់ដឹកនាំទាំងពីរូបបានអញ្ជើញចូលរួម​ពិធីបើក
សម្ពោធន៍ផ្ទះរួម អង្គការសហប្រជាជាតិ នៅវៀតណាម ហើយនេះក៏​​ជាផ្ទះរួមរបស់
អង្គការសហប្រជាជាតិ ដើមដំបូងលើពិភពលោកដែរ។ ថ្លែងមតិនៅទីនេះ លោក
 Pham Binh Minh បានថ្លែងថា៖

        “ ខ្ញុំជឿជាក់ថា៖ ផ្ទះរួម អង្គការសហប្រជាជាតិនៅវៀតណាម ជានិមិត្តរូប​ជាក់
ស្ដែងអំពីកិច្ចសហប្រតិបត្តិការរវាងភាគីទាំងពីរ។ ខ្ញុំក៏សង្ឃឹមដែរថា៖ ផ្ទះ​រួមនេះជា
មជ្ឈមណ្ឌលសហប្រតិបត្តិការនិងចំណេះដឹង ។ អ្វីៗទាំងអស់គឺដើម្បីជួយឧបត្ថម្ភ
ការអភិវឌ្ឍន៍និរន្តភាពរបស់វៀតណាម ដើម្បីផលប្រយោជន៍របស់ប្រជាជនវៀត
ណាម។”

        អគ្គលេខាធិការអង្គការសហប្រជាជាតិ លោក Ban Ki Moon បាន​អះអាងថា៖

        “ នៅទីនេះ វៀតណាមបានបញ្ជាក់អោយពិភពលោកឃើញ៖ប្រការណា​មាន​
លទ្ធភាពអនុវត្តបាន។ វៀតណាមបានបញ្ជាក់ថា៖ ការស្និទ្ធស្នាលជាមួយ​បរិស្ថាន
ជាគោលនយោបាយសេដ្ឋកិច្ចល្អ។ ផ្ទះរួមអង្គការសហប្រជាជាតិ នឹង​ជួយយើង
ឯកភាពសកម្មភាព និងសរអោយឃើញថា៖ យើងកំពុងយកចិត្តទុកដាក់យ៉ាង
ខ្លាំងចំពោះបញ្ហាបំរ៉ែបំរួលអាកាសធាតុ។ ខ្ញុំសូមថ្លែងអំណរគុណមិត្តវៀតណាម
ដែលបានជួយយើងខ្ញុំបញ្ជូនសារបៃតងមិនគ្រាន់តែចំពោះជនវៀត​ណាមតែ
ប៉ុណ្ណោះទេ ថែមទាំងសំរាប់ពិភពលោកទៀតផង។”

        ក៏ក្នុងព្រឹកថ្ងៃនេះដែរ អគ្គលេខាធិការអង្គការសហប្រជាជាតិ លោក Ban Ki
 Moon ក៏មានជំនួបសំណេះសំណាលជាមួយនិស្សិតនៃវិទ្យាស្ថាន​ការទូត និង
មន្ត្រីការទូតវ័យក្មេង អំពីអង្គការសហប្រជាជាតិ និងតួនាទីរបស់​អង្គការសហ
ប្រជាជាតិនៅទ្វីបអាស៊ី។ 

        នារសៀលថ្ងៃទី២៣ ឧសភា អគ្គលេខាធិការ​ ​ Ban Ki Moon អញ្ជើញ​ចូលរួម
ពិធីរំលឹកខួបអនុ​ស្សាវរីយ៍ លើកទី១នៃទិវាបង្កើតមជ្ឈមណ្ឌល​រក្សាស​ចន្តិភាព វៀតណាម និងជួបសន្ទនាជាមួយប្រធានរដ្ឋសភាវៀតណាម លោក Nguyen
Sinh Hung ទៀតផង៕