អគ្គលេខាធិការអង្គការសហប្រជាជាតិលោក Antonio Guterres (រូបថត៖ រ៉យទ័រ )

ប្រមុខអង្គការសហប្រជាជាតិក៏បានអំពាវនាវឱ្យបញ្ចប់សង្គ្រាមនៅទូទាំងពិភពលោក ជាពិសេសគឺ នាបច្ចុប្បន្ននេះ ក្នុងបរិបទ ដែលពិភពលោកមានបញ្ហាប្រឈម និងការបែកបាក់គ្នានៅក្នុងវិស័យជាច្រើន ជាពិសេគឺ គម្លាតរវាងអ្នកមាន និងអ្នកក្រីក្រ រវាងមនុស្សមួយក្រុម ដែលមានលក្ខខ័ណ្ឌសម្ភារៈល្អបំផុត និងសហគមន៍ប្រជាជន ដែលគ្មានលក្ខខណ្ឌរស់នៅជាមូលដ្ឋានបំផុតដូចជាចំណីអាហារ ទឹកបរិភោគ និងសេវាកម្មសុខាភិបាល។ ជាពិសេស លោកបានសង្កត់ធ្ងន់ថា គម្លាតដ៏ធំរវាងមនុស្សដែលទទួលបានការចាក់វ៉ាក់សាំង ខណៈពេលដែលមនុស្សរាប់លាននាក់ផ្សេងទៀតនៅតែមិនអាចទទួលបានវ៉ាក់សាំងបង្ការកូវីដ ១៩ ឡើយ ហើយគម្លាតនេះគឺត្រូវបានមនុស្សបង្កើតឡើង ដោយសារប្រព័ន្ធសេដ្ឋកិច្ចបានបង្កើតរបាំងឧបសគ្គចំពោះអ្នកក្រីក្រ និងអ្នកងាយរងគ្រោះបំផុត៕