អគ្គលេខាបក្ស ប្រធានរដ្ឋ វៀតណាមលោក Nguyen Phu Trong (នៅកណ្ដាល) ថ្លែងមតិនៅកិច្ចប្រជុំ (រូបថត៖  TTXVN)

នាថ្ងៃទី២៦ខែធ្នូនៅទីស្នាក់ការមជ្ឈឹមបក្ស អគ្គលេខាបក្ស ប្រធានរដ្ឋ វៀតណាមលោក Nguyen Phu Trong បានអញ្ជើញធ្វើជាអធិបតីនៅក្នុងកិច្ច ប្រជុំរបស់ការិយាល័យនយោបាយដើម្បីផ្ដល់មតិស្ដីពីរបៀបវារៈរបស់ការិយាល័យនយោបាយនិងគណៈលេខាឆ្នាំ២០២០ ហើយពិចារណា សម្រេចលើ ការងារកម្មាភិបាលនិងបញ្ហាសំខាន់មួយចំនួនទៀត។ លោកអគ្គលេខាបក្ស ប្រធានរដ្ឋបានសង្កត់ធ្ងន់ថា ឆ្នាំ២០២០ជាឆ្នាំត្រៀមរៀបចំសម្រាប់មហាសន្និ បាតបក្សភាគគ្រប់ជាន់ថ្នាក់ឆ្ពោះទៅមហាសន្និបាតលើកទី១៣របស់បក្ស ព្រមទាំងជាឆ្នាំមានព្រឹត្តិការណ៍នយោបាយសំខាន់ជាច្រើនទៀតផង។ ដូច្នេះ បានជា ខុទ្ទកាល័យមជ្ឈឹមបក្សត្រូវតែសហការយ៉ាងស្អិតរមួតជាមួយស្ថាប័ន ពាក់ព័ន្ធនានា ដើម្បីបន្តត្រួតពិនិត្យ ជ្រើសរើសអោយបានត្រឹមត្រូវនូវខ្លឹម សារត្រូវការដាក់ជូនការិយាល័យនយោបាយនិងគណៈលេខា ព្រមទាំងត្រូវ ច្នៃប្រឌិត បត់បែនក្នុងការរៀបចំ បំពេញបន្ថែមខ្លឹមសារទើបតែកើតមាន ឡើងអោយបានទាន់ពេលវេលាផងដែរ៕