អង្គជំនុំជំរះអតីតប្រធានាធិបតីកូរ៉េខាងត្បូង លោកស្រី  Park Geun-hye

(VOVworld) – នាថ្ងៃទី ២៣ ឧសភា តុលាការកណ្ដាលទីក្រុង Seoul បានចាប់ ផ្តើមអង្គជំនុំជំរះប្រវតិ្តសាស្ត្រចំពោះអតីតប្រធានាធិបតីកូរ៉េខាងត្បូង លោកស្រី Park Geun-hye ដែលត្រូវបានចោទប្រកាន់ពីបទប្រព្រឹត្តអំពើពុករលួយទាក់ទិនដល់លោកស្រីនិងមិត្តជិតស្និទ្ធរបស់គាត់ លោកស្រី Choi Soon-sil រួមជាមួយរាល់អ្នកពិគ្រោះយោកបល់ក្នុងរយៈពេលលោកស្រី Park Geun-hye បានកាន់ដំណែង។ នៅទីនេះ លោកស្រី Park Geun-hye បានបដិសេធរាល់ការចោទប្រកាន់ ព្រមទាំង មន្ត្រីមួយរូបនៃស្ថាប័នរដ្ឋអាជ្ញាបានប្រកាសថា៖ គេនឹងខំប្រឹងប្រែងអស់ពីកំលាំងកាយចិត្តដើម្បីបំភ្លឺច្បាស់ការពិតទាក់ទិនដល់រឿងហេតុនេះ។ ក្នុងពេល នោះ លោក Yoo Yeong-ha មេធាវីរបស់លោកស្រី Park Geun-hye បានឲ្យដឹង ថា៖ បណ្ដាការចោទប្រកាន់ចំពោះលោកស្រី Park Geun-hye ដែលស្ថាប័នរដ្ឋអាជ្ញានាំចេញសុទ្ធតែឈរលើការសន្និដ្ឋានដែលគ្មានភស្តុតាងច្បាស់លាស់ទេ៕