អ្នកកាទូត Vu Khoan ក្នុងការចងចាំរបស់មិត្តអន្តរជាតិ
(VOVWORLD) - ថ្ងៃទី ២៧ មិថុនា ពិធីបុណ្យសពថ្នាក់ជាតិរបស់អតីតឧបនាយករដ្ឋមន្ត្រី Vu Khoan បានប្រព្រឹត្តទៅនៅទីក្រុងហាណូយ។ មិត្តភក្តិអន្តរជាតិជាច្រើនដែលបានធ្វើការ និងទំនាក់ទំនងជាមួយអតីតឧបនាយករដ្ឋមន្ត្រី Vu Khoan បានសម្តែងការកោតសរសើរ ការគោរពចំពោះរូបលោក។
 អតីតឧបនាយករដ្ឋមន្ត្រី លោក Vu Khoan បានរួមចំណែកយ៉ាងធំធេងចំពោះការច្នៃប្រឌិត និងការអភិវឌ្ឍន៍របស់វៀតណាមក្នុងរយៈពេលជាច្រើនទសវត្សរ៍កន្លងមក (រូបថត៖ baochinhphu.vn) |
ក្នុងនាមជាមនុស្សម្នាក់ដែលបានស្គាល់ និងធ្វើការជាមួយអតីតឧបនាយករដ្ឋមន្ត្រី Vu Khoan អស់រយៈពេលជាច្រើនឆ្នាំ វេជ្ជបណ្ឌិតជនជាតិអាមេរិក Frances Zwenig បានសម្តែងនូវទុក្ខសោក និងចែករំលែកការបាត់បង់ជាមួយគ្រួសារអតីតឧបនាយករដ្ឋមន្ត្រី និងប្រជាជនវៀតណាម ចំពោះមរណភាពរបស់លោក។
លោកបណ្ឌិត Frances Zwenig អតីតនាយកជាន់ខ្ពស់នៃក្រុមប្រឹក្សាធុរកិច្ចអាមេរិក - សមាគមប្រជាជាតិអាស៊ីអាគ្នេយ៍ (អាស៊ាន) អតីតជំនួយការ និងជាប្រធានបុគ្គលិកនៃសមាជិកព្រឹទ្ធសភា John Kerry បានវាយតម្លៃថា លោក Vu Khoan ជាអ្នកកាទូត មានអាកប្បកិរិយា សុភាពរាបសារ និងសក្តិសមជាអ្នកពូកែបំផុតក្នុងយោគសម័យរបស់ខ្លួន។
លោកបណ្ឌិត Frances Zwenig មានសេវាកម្មជាច្រើនឆ្នាំនៅក្នុងសភាសហរដ្ឋ អាមេរិក។ លោកស្រីបានបម្រើការជាជំនួយការ និងជាប្រធានបុគ្គលិករបស់សមាជិកព្រឹទ្ធសភា John Kerry; នាយកបុគ្គលិកនៃគណៈកម្មាធិការព្រឹទ្ធសភាអាមេរិក POWs/ទាហានបាត់ខ្លួនក្រោយសង្គ្រាមវៀតណាម (POW/MIA); អនុប្រធានកិច្ចការច្បាប់ ក្រុមប្រឹក្សាពាណិជ្ជកម្មអាមេរិក-វៀតណាម និងជានាយកជាន់ខ្ពស់នៃក្រុមប្រឹក្សាធុរកិច្ចអាមេរិក-អាស៊ាន៕