លោកបណ្ឌិត Michael Osterholm នាយកមជ្ឈមណ្ឌលគោលនយោបាយនិងស្រាវជ្រាវជំងឺឆ្លង នៃសាកលវិទ្យា ល័យ Minessota បាននិយាយថា រលកដំបូងនៃការផ្ទុះឡើងជំងឺ COVID-19 នៅតាមទីក្រុងមួយចំនួន ដូចជា ញូវយ៉ក ដែលមានមនុស្សម្នាក់ក្នុងចំណោមប្រាំនាក់ត្រូវឆ្លងនោះ គ្រាន់តែជាផ្នែកតូចមួយនៃអ្វីអាក្រក់ដែលមិនទាន់កើតឡើងនៅ ឡើយ។ លោកបណ្ឌិត Michael Osterholm បានចាត់ទុកថា ជំងឺរាតត្បាត COVID-19 នៅតែស្ថិតក្នុងដំណាក់កាលដំបូងនៃការវាយប្រហារពិភពលោក ហេតុដូច្នេះ ការបន្ធូរបន្ថយវិធានការរក្សាគម្លាតសង្គម នឹងធ្វើឱ្យជនជាតិអាមេរិកជាច្រើនមានគ្រោះថ្នាក់។ យោងតាមលោកបណ្ឌិតរូបនេះ វីរុសមិនថយចុះទេ រហូតដល់ ៦០% -៧០% នៃចំនួនប្រជាជនអាមេរិកត្រូវបានឆ្លងហើយបន្ទាប់មក  ភាពស៉ុំាក្នុងសហគមន៍នឹងត្រូវបានបង្កើត ហើយវីរុសនឹងឈប់រាលដាល។

លោកបណ្ឌិត Osterholm បានទទួលស្គាល់ថា សហរដ្ឋអាមេរិក “មិនត្រូវបិទក្នុងរយៈពេល ១៨ ខែទេ” ហើយបានចាត់ទុកថា មេដឹកនាំនយោបាយនិងអាជីវកម្មចាំបាច់ត្រូវរកវិធីដើម្បីបន្តសកម្មភាព ខណៈពេលដែលត្រូវបន្សាំនឹងវីរុសដែលនឹងមិនរលាយបាត់ភ្លាមៗដោយខ្លួនឯងនោះឡើយ៕