នៅក្នុងជំនួបរវាងអនុប្រធានាធិបតីអាមេរិក លោកស្រី Kamala Harris និងប្រធានាធិបតីបារាំង លោក Emmanuel Macron ភាគីទាំងពីរបានអះអាងសារជាថ្មីអំពីសារៈសំខាន់នៃការបន្តជួយឧបត្ថម្ភអ៊ុយក្រែន។ ភាគីទាំងពីរក៏បានពិភាក្សាលើតួនាទីរបស់អង្គការសន្ធិសញ្ញាអាត្លង់ទិកខាងជើង (ណាតូ) ក្នុងទំនាក់ទំនងរវាងសហរដ្ឋអាមេរិក និងអឺរ៉ុប ក៏ដូចជាបញ្ហាប្រឈមនានាពីប្រទេសចិន។ ភាគីទាំងពីរក៏បានពិភាក្សាអំពីកិច្ចសហប្រតិបត្តិការអន្តរអាត្លង់ទិក ក្នុងការឆ្លើយតបទៅនឹងវិបត្តិអាកាសធាតុ កិច្ចសហប្រតិបត្តិការសេដ្ឋកិច្ច និងការពន្លឿនការផ្លាស់ប្តូរទៅជាថាមពលស្អាត។

នៅក្នុងជំនួបជាមួយអធិការបតីអាល្លឺម៉ង់លោក Olaf Scholz ភាគីទាំងពីរបានអះអាងឡើងវិញនូវការប្តេជ្ញាចំពោះអ៊ុយក្រែន និងបានពិភាក្សាអំពីបញ្ហាប្រឈមពីប្រទេសចិន និងកិច្ចសហប្រតិបត្តិការអន្តរជាតិ ប្រយុទ្ធប្រឆាំងនឹងការប្រែប្រួលអាកាសធាតុ៕