អនុប្រធានរដ្ឋ លោកស្រី Vo Thi Anh Xuan និងប្រធានាធិបតីស្វីស លោកស្រី Viola Amherd (រូបថត៖ VOV)

ក្នុងជំនួបជាមួយប្រធានាធិបតីស្វីសលោកស្រី Viola Amherd អនុប្រធានរដ្ឋ លោកស្រី Vo Thi Anh Xuan សង្ឃឹមថា ភាគីទាំងពីរនឹងបន្តជំរុញកិច្ចសហប្រតិបត្តិការអភិវឌ្ឍន៍ នវានុវត្តន៍ និងសម្របសម្រួលការរួមចំណែកដល់កិច្ចខិតខំប្រឹងប្រែងរួមរបស់សហគមន៍អន្តរជាតិសម្រាប់ការអភិវឌ្ឍប្រកបដោយចីរភាព។ ប្រធានាធិបតីស្វីស Viola Amherd បានអះអាងថា ស្វីសតែងតែវាយតម្លៃខ្ពស់ចំពោះទំនាក់ទំនងមិត្តភាព និងកិច្ចសហប្រតិបត្តិការពហុភាគីជាមួយវៀតណាម ហើយជឿជាក់ថា ប្រទេសទាំងពីរនៅតែមានសក្តានុពលជាច្រើន សម្រាប់កិច្ចសហប្រតិបត្តិការសេដ្ឋកិច្ច ពាណិជ្ជកម្ម វិនិយោគ; បានឯកភាពក្នុងការសម្របសម្រួល និងរួមចំណែកដល់កិច្ចខិតខំប្រឹងប្រែងរួមរបស់អង្គការសហប្រជាជាតិ និងសហគមន៍អន្តរជាតិក្នុងវិស័យសមភាពយេនឌ័រ និងការពង្រឹងសិទ្ធិអំណាចរបស់ស្ត្រី ជាពិសេសការលើកកម្ពស់តួនាទីរបស់ស្ត្រីក្នុងការរក្សាសន្តិភាព និងសន្តិសុខ ការចូលរួមក្នុងកងកម្លាំងរក្សាសន្តិភាពរបស់អង្គការសហប្រជាជាតិ។

អនុប្រធានរដ្ឋ លោកស្រី Vo Thi Anh Xuan និងនាយករដ្ឋមន្ត្រីឡាតវី លោកស្រី Evika Silina (រូបថត៖ VOV)

ក្នុងជំនួបជាមួយនាយករដ្ឋមន្ត្រីឡាតវី Evika Silina អនុប្រធានរដ្ឋលោកស្រី Vo Thi Anh Xuan បានសង្កត់ធ្ងន់ថា វៀតណាមជានិច្ចកាលវាយតម្លៃខ្ពស់ និងមានបំណងចង់បន្តអភិវឌ្ឍន៍ទំនាក់ទំនងមិត្តភាព និងកិច្ចសហប្រតិបត្តិការពហុភាគីជាមួយឡាតវី; ស្នើឱ្យឡាតវីមានសំឡេងគាំទ្រគណៈកម្មាធិការអឺរ៉ុប (EC) ឱ្យឆាប់ដក "កាតលឿង" សម្រាប់ការនាំចេញគ្រឿងសមុទ្ររបស់វៀតណាម ហើយក្នុងពេលជាមួយគ្នានេះ សម្របសម្រួលជាមួយវៀតណាម និងសហគមន៍អន្តរជាតិ ដើម្បីជំរុញការដោះស្រាយរាល់ជម្លោះអន្តរជាតិដោយសន្តិវិធី ឈរលើមូលដ្ឋានច្បាប់អន្តរជាតិ ក្នុងនោះមានបញ្ហាសមុទ្រខាងកើត។ ថ្នាក់ដឹកនាំទាំងពីរក៏បានឯកភាពបន្តពង្រឹងកិច្ចសហប្រតិបត្តិការ និងការគាំទ្រគ្នាទៅវិញទៅមកនៅវេទិកាពហុភាគី រួមទាំងអង្គការសហប្រជាជាតិ ក៏ដូចជាបន្តជំរុញកិច្ចសហប្រតិបត្តិការរបស់ប្រទេសទាំងពីរជាមួយអាស៊ាន និងសហភាពអឺរ៉ុបផងដែរ៕