អាមេរិក លើកលែងការវាយពន្ធថ្មីលើអាលុយមីញ៉ូមនិងដែកថែប ជាមួយ EU

នាថ្ងៃទី ២២ មិនា អាមេរិកបានប្រកាសថា៖ សហភាពអឺរ៉ុប (EU) និងប្រទេសចំនួន ៦ ផ្សេងៗទៀតនឹងត្រូវបានលើកលែងពន្ធនាំចូលជាបណ្ដោះអាសន្នលើអាលុយមីញ៉ូមនិងដែកថែបថ្មីរបស់អាមេរិក។ ថ្លែងមតិទៅកាន់គណកម្មធិការមួយនៃព្រឹទ្ធសភានោះ តំណាងពាណិជ្ជកម្មអាមេរិក លោក Robert Lighthizer បានឲ្យដឹងថា៖ ប្រធានាធិបតី លោក Donald Trump បានបញ្ជាឲ្យផ្អាកការវាយពន្ធនាំចូលថ្នីនេះជាបណ្ដោះអាសន្ន ចំពោះដៃគូមួយចំនួន ខណៈពេលដែលអនុវត្តន៍ការពិភាក្សា ដើម្បីស្វែងរកដំណោះស្រាយមួយដោយយូរអង្វែងថែមទៀត។ ក្រៅពីសហភាពអឺរ៉ុបប្រទេសចំនួន ៦ ទៀត ដែលត្រូវបានលើកលែងជាបណ្ដោះអាសន្ន រួមមាន៖អាហ្សង់ទីន អូស្ត្រាលី ប្រេស៊ីល កាណាដា ម៉ិកស៊ិក និងកូរ៉េខាងត្បូងផងដែរ៕