ប្រធានាធិបតីអាមេរិក Joe Biden (ឆ្វេង) នាយករដ្ឋមន្ត្រីជប៉ុន Fumio Kishida (កណ្តាល) និងប្រធានាធិបតីកូរ៉េខាងត្បូង Yoon Suk Yeol (ស្តាំ) ។ រូបថត៖ AFP/VNA

នាថ្ងៃទី ១៨ ខែសីហាខាងមុខ កិច្ចប្រជុំកំពូលអាមេរិក-ជប៉ុន-កូរ៉េខាងត្បូង ដឹកនាំដោយប្រធានាធិបតីអាមេរិកលោក Joe Biden ដោយមានការចូលរួមពីប្រធានាធិបតីកូរ៉េខាងត្បូងលោក Yoon Suk Yeol និងនាយករដ្ឋមន្ត្រីជប៉ុនលោក Fumio Kishida នឹងប្រព្រឹត្តទៅនៅជំរុំ David (សហរដ្ឋអាមេរិក)។

តាមរយៈកិច្ចប្រជុំលើកនេះ ភាគីពាក់ព័ន្ធនានានឹងបង្កើតយន្តការក្របខ័ណ្ឌដ៏សំខាន់នាពេលអនាគតស្ដីពីកិច្ចសហប្រតិបត្តិការសន្តិសុខត្រីភាគី ឆ្ពោះទៅការបង្កើតក្របខ័ណ្ឌកិច្ចសហប្រតិបត្តិការ។ ថ្នាក់ដឹកនាំនានាក៏នឹងពិភាក្សាអំពីចក្ខុវិស័យរួម និងគោលការណ៍ជាមូលដ្ឋានក្នុងកិច្ចសហប្រតិបត្តិការត្រីភាគី ក៏ដូចជាការកសាងយន្តការ សហប្រតិបត្តិការលើគ្រប់ជ្រុងជ្រោយ និងពហុស្រទាប់លើវិស័យផ្សេងៗ និងគ្រប់កម្រិត។

លើសពីនេះ ថ្នាក់ដឹកនាំនៃប្រទេសទាំង ៣កូរ៉េខាងត្បូង សហរដ្ឋអាមេរិក និងជប៉ុន ក៏បានពិភាក្សាគ្នាអំពីវិធានការ ដើម្បីសហប្រតិបត្តិការ ជំរុញវិបុលភាព និងអភិវឌ្ឍន៍អនាគតរបស់តំបន់ ក្នុងនោះ មានរបៀបសហប្រតិបត្តិការស្ដីពីឧស្សាហកម្មទំនើប និងពង្រឹងរាល់ទំនាក់ទំនងជាមួយដៃគូ ដើម្បីឆ្លើយតបជាមួយបញ្ហាសន្តិសុខសេដ្ឋកិច្ច ដូចជាហានីភ័យពាក់ព័ន្ធនឹងខ្សែសង្វាក់ផ្គត់ផ្គង់ថាមពល។

កិច្ចប្រជុំកំពូលនាពេលខាងមុខក៏នឹងផ្តោតសំខាន់លើគោលដៅដើម្បីសេរីភាព សន្តិសភាព និងវិបុលភាពនៅតំបន់ឥណ្ឌូប៉ាស៊ីហ្វិក ដែលប្រទេសទាំង ៣ បានប្រកាន់ខ្ជាប់ផងដែរ៕