ទីប្រឹក្សាជាន់ខ្ពស់របស់ប្រធានាធិបតីអាមេរិក លោក Jared Kushner

សេចក្តីប្រកាសរបស់សេតវិមានបានឲ្យដឹងថា អាមេរិកនឹងសហការជាមួយប្រទេស Bahrain ដើម្បីរៀបចំសិក្ខាសាលាសេដ្ឋកិច្ចមួយក្រោមប្រធានបទ "ពីសន្តិភាពទៅវិបុលភាព" នៅរដ្ឋធានី Manama នៃប្រទេស Bahrain ចាប់ពីថ្ងៃទី ២៥ ដល់ថ្ងៃទី ២៦ ខែមិថុនាខាងមុខ។ សិក្ខាសាលានេះនឹងទាក់ទាញការចូលរួមរបស់ថ្នាក់ដឹកនាំរដ្ឋាភិបាលនានា  អង្គការសង្គមស៊ីវិលនិងសហគ្រាស សំដៅចែករំលែកគំនិតនិងពិភាក្សាអំពីយុទ្ធសាស្រ្ត ព្រមទាំងគាំទ្រគំនិតផ្តួចផ្តើមនិងវិនិយោគលើសេដ្ឋកិច្ចមានសក្តានុភាពដែលអាចធ្វើបានដោយមានកិច្ចព្រមព្រៀងសន្តិភាពមួយ។ ម៉្យាងវិញទៀត សិក្ខាសាលានេះនឹងផ្តោតសំខាន់លើការកសាងអនាគតដ៏សម្បូររុងរឿងសំរាប់ប្រជាជន ប៉ាឡេស្ទីនផងដែរ៕