ទាហានអាមេរិកដឹកកាំភ្លើងធំ ១៥៥ មីល្លីម៉ែត្រ ទៅអ៊ុយក្រែននៅមូលដ្ឋានទ័ពអាកាស Dover រដ្ឋ Delaware នៅថ្ងៃទី ២៩ ខែមេសា ឆ្នាំ ២០២២។ រូបថត៖ AP

កញ្ចប់ជំនួយរួមមានៈ យន្តហោះគ្មានមនុស្សបើក កាំភ្លើងធំ កាំជ្រួចប្រឆាំងយន្តហោះ បរិក្ខារផ្សេងទៀត និងធនធានហិរញ្ញវត្ថុសម្រាប់ការហ្វឹកហ្វឺន។

កញ្ចប់ជំនួយនេះគឺជាផ្នែកមួយនៃគំនិតផ្តួចផ្តើមជំនួយសន្តិសុខអ៊ុយក្រែន (USAI) ដែលមានន័យថា ឧបករណ៍ និងអាវុធនឹងត្រូវបានទិញក្រោមកិច្ចសន្យាជាមួយក្រុមហ៊ុនផលិត ជំនួសការយកផ្ទាល់ពីឃ្លាំងស្តុករបស់ក្រសួងការពារជាតិសហរដ្ឋអាមេរិក។ ជំនួសឱ្យការផ្តល់ឱ្យអ៊ុយក្រែននូវសព្វាវុធដែលខ្លួនត្រូវការ កញ្ចប់សព្វាវុធក្រោមក្របខណ្ឌ USAI មានបំណងបង្កើតការផ្គត់ផ្គង់រយៈពេលមធ្យម និងរយៈពេលវែងសម្រាប់អ៊ុយក្រែន។ ដូច្នោះហើយ អ៊ុយក្រែននឹងទទួលបានកាំជ្រួច ១៥៥ មីលីម៉ែត្រ កាំជ្រួចប្រឆាំងយន្តហោះគ្មានមនុស្សបើក និងធនធានហិរញ្ញវត្ថុសម្រាប់ការទទួលបានរូបភាពផ្កាយរណប និងទម្រង់ហ្វឹកហ្វឺនផ្សេងៗទៀត។

ជំនួយថ្មីបំផុតនេះ នាំមកនូវបរិមាណជំនួយយោធាសរុបរបស់សហរដ្ឋអាមេរិកដល់អ៊ុយក្រែន ចាប់តាំងពីរុស្ស៊ីបានចាប់ផ្តើមយុទ្ធនាការយោធារបស់ខ្លួនកាលពីខែកុម្ភៈឆ្នាំមុន រហូតដល់ជាង ៣៦ពាន់លានដុល្លារ៕