សាខាធនាគាររុស្ស៊ី Sberbank នៅទីក្រុងវីយែន ប្រទេសអូទ្រីស។ (រូបភាព៖ AFP/TTXVN)

យោងតាមមន្ត្រីជាន់ខ្ពស់មួយរូបរបស់រដ្ឋបាលសហរដ្ឋអាមេរិកបានឲ្យដឹងថា  នាយកប្រតិបត្តិនៃធនាគាររុស្ស៊ី Gazprombank បានស្ថិតក្នុង "បញ្ជីខ្មៅ" ហើយ។ លើសពីនេះទៀត នាយកប្រតិបត្តិ ៨រូប របស់ Sberbank, ធនាគារឧស្សាហកម្ម Moscow និងសាខាចំនួន១០ ក៏ត្រូវបានដាក់ទណ្ឌកម្មផងដែរ។ មន្ត្រីរូបនេះបានអះអាងថា ទណ្ឌកម្មថ្មីរបស់អាមេរិកគឺជាការបន្ត ដករុស្ស៊ីចេញពីប្រព័ន្ធសេដ្ឋកិច្ច និងហិរញ្ញវត្ថុពិភពលោក។

ក្នុងពេលជាមួយគ្នានោះ សេតវិមានបានឲ្យដឹងថាក្រុមហ៊ុនផលិតសព្វាវុធរុស្ស៊ី Promtekhnologiya ជាមួយនឹងក្រុមហ៊ុនដឹកជញ្ជូននាវាចរណ៍ចំនួន៧ និងក្រុមហ៊ុននាវាសណ្តោងមួយនឹងត្រូវដាក់ទណ្ឌកម្មផងដែរ។ទន្ទឹមនឹងនោះ សេតវិមាននឹងដាក់ទណ្ឌកម្មលើស្ថានីយទូរទស្សន៍ធំៗចំនួនបីរបស់រុស្ស៊ី រួមមាន NTV, Russia-១ និង One Russia ដោយហាមប្រាមក្រុមហ៊ុនរុស្ស៊ីទាំងនេះពីការចូលប្រើសេវាប្រឹក្សាយោបល់ និងគណនេយ្យរបស់របស់ក្រុមហ៊ុនអាមេរិក។