អាមេរិកសន្យាបន្តជួយឧបត្ថម្ភបណ្ដាកំលាំងនៅអ៊ីរ៉ាក់ (NewYorktimes)

        Vovworld-នាថ្ងៃទី១៩សីហា ប្រធានាធិបតីអាមេរិកលោក Barack Obama
បានសន្យាថា អាមេរិកនឹងបន្តជួយឧបត្ថម្ភបណ្ដាកំលាំងអ៊ីរ៉ាក់និងអនុវត្ត​យុទ្ធសាស្ត្រ
យូរអង្វែងមួយសំដៅទប់ទល់នឹងពួកឧទ្ទាមរដ្ឋឥស្លាមនៅប្រទេសឈួងសមុទ្រពែក្យ
នេះ។ ថ្លែងមតិជាមួយមជ្ឈដ្ឋានអ្នកសារព័ត៌មាននៅ​វ៉ាស៊ីនតោន​បន្ទាប់ពីកិច្ចប្រជុំ
ជាមួយបណ្ដាទីប្រឹក្សាសន្តុសុខជួរមុខ ប្រធានាធិបតី Obama បានឲ្យដឹងថា៖ ក្នុង
អំឡុង១១ថ្ងៃកន្លងមក យុទ្ធនាការយោធារបស់​អាមេរិកបានការពារមនុស្សនិង
មូលដ្ឋានរបស់អាមេរិកនៅអ៊ីរ៉ាក់ប្រកបដោយប្រសិទ្ធភាព។ ប្រធានាធិបតីអាមេរិក
បានជំរុញការផ្ដល់ជំនួយជាអាវុធនិងសម្ភារៈ​សឹក​សំរាប់កំលាំងនៅអ៊ីរ៉ាក់ ក្នុងនោះ
មានកំលាំងជន Kurd និងកំលាំងសន្តិសុខ​អ៊ីរ៉ាក់​ដែល​កំពុងចូលរួមការប្រយុទ្ធ។
លោក Obama បានបញ្ជាក់ព័ត៌មានថា ជន​ប្រដាប់​អាវុធជនជាតិ Kurd ដណ្ដើមបាន
សិទ្ធិត្រួតពិនិត្យទំនប់វារីអគ្គិសនី Mosul ឡើងវិញ។

        ក៏ក្នុងសន្ទរកថានេះដែរ ប្រធានាធិបតី Barack Obama បានអះអាងថា អាមេរិក
មានផលប្រយោជន៍ខាងសន្តិសុខជាតិខណៈដែលដំណើរការយុទ្ធនាការ​ប្រឆាំង
នឹងពួកឧទ្ទាមឥស្លាមនៅអ៊ីរ៉ាក់។ លោកក៏បានអំពាវនាវអ្នកនយោបាយ​អ៊ីរ៉ាក់
សាមគ្គីភាពនិងជំរុញអ៊ីរ៉ាក់បង្កើតរដ្ឋាភិបាលមួយធ្វើសកម្មភាពប្រកប​ដោយ
ប្រសិទ្ធភាព៕