អគារអាផាតមិនមួយត្រូវបានបំផ្លិចបំផ្លាញក្នុងអំឡុងពេលមានជម្លោះនៅក្រុង Saltivka ក្នុងតំបន់ Kharkiv ប្រទេសអ៊ុយក្រែន។ រូបថត៖ AFP/TTXVN

ជម្លោះជាមួយរុស្ស៊ី បានអូសបន្លាយរយៈពេល ២១ ខែ រងផលប៉ះពាល់ដល់សេដ្ឋកិច្ចអ៊ុយក្រែនយ៉ាងធ្ងន់ធ្ងរ ដោយបង្ខំឲ្យរដ្ឋាភិបាលប្រទេសនេះ ពឹងផ្អែកយ៉ាងខ្លាំងលើការជួយឧបត្ថម្ភផ្នែកហិរញ្ញវត្ថុពីសម្ព័ន្ធមិត្តលោកខាងលិចសម្រាប់ការចំណាយសង្គម។ អ៊ុយក្រែនកំពុងប្រឈមមុខនឹងហានិភ័យនៃឱនភាពថវិកាប្រហែល ៤៣ ពាន់លានដុល្លារអាមេរិកនៅឆ្នាំខាងមុខ ហើយរដ្ឋាភិបាលប្រទេសនេះគ្រោងនឹងទូទាត់ឱនភាពជាមួយនឹងជំនួយហិរញ្ញវត្ថុពីបរទេស។ ទីក្រុងគៀវសង្ឃឹមថានឹងទទួលបានប្រហែល ១៨ ពាន់លានអឺរ៉ូពីកម្មវិធីហេដ្ឋារចនាសម្ព័ន្ធអ៊ុយក្រែនរបស់សហភាពអឺរ៉ុបនៅឆ្នាំក្រោយ ខណៈដែលប្រទេសនេះក៏កំពុងស្វែងរកជំនួយសេដ្ឋកិច្ចពី ១២ ទៅ ១៤ ពាន់លានដុល្លារពីសហរដ្ឋអាមេរិកផងដែរ។ ទោះជាយ៉ាងណាក៏ដោយ កញ្ចប់ជំនួយរបស់សហរដ្ឋអាមេរិកមិនទាន់ត្រូវបានអនុម័តនៅឡើយទេ៕