អ៊ុយក្រែនបានប្រកាសពីចំនួនទាហានដែលបាត់បងជីវិត ចាប់តាំងពីកើតមានជម្លោះជាមួយរុស្ស៊ី
(VOVWORLD) - ថ្លែងនៅក្នុងសន្និសីទសារព័ត៌មានកាលពីថ្ងៃទី២៥ ខែកុម្ភៈ ក្នុងរដ្ឋធានី Kiev ប្រធានាធិបតីអ៊ុយក្រែនលោក Volodymyr Zelensky បានឲ្យដឹងថា ទាហានអ៊ុយក្រែនចំនួន ៣១.០០០ នាក់បានបាត់បង់ជីវិតចាប់តាំងពីប្រទេសរុស្ស៊ីបានចាប់ផ្តើមប្រតិបត្តិការយោធាពិសេសនៅក្នុងប្រទេសនេះអស់រយៈពេល ២ ឆ្នាំកន្លងមក។
នេះជាលើកដំបូងក្នុងរយៈពេលជាងមួយឆ្នាំដែលអ៊ុយក្រែនបានប្រកាសអំពីចំនួនអ្នកស្លាប់យោងតាមការស្ថិតិផ្លូវការ ទោះជាយ៉ាងណាក៏ដោយ លោក Zelensky បានបដិសេធមិនបង្ហាញចំនួនអ្នករងរបួស ដោយសារលោកគិតថា ព័ត៌មាននេះនឹងមានអត្ថប្រយោជន៍សម្រាប់ការរៀបចំផែនការយោធារបស់រុស្ស៊ី។
 ទាហានអ៊ុយក្រែនដើរល្បាតនៅទីក្រុង Kramatorsk ក្នុងតំបន់ Donetsk ។ រូបថត៖ AFP/TTXVN |
នៅក្នុងសន្និសីទសារព័ត៌មាននេះ ប្រធានាធិបតី Volodymyr Zelensky បានប្រកាសថា អ៊ុយក្រែនបានរៀបចំផែនការវាយបកថ្មី ប្រឆាំងនឹងកងកម្លាំងរុស្ស៊ី ហើយបានបញ្ជាក់ថា កំណែទម្រង់យោធាទ្រង់ទ្រាយធំ ដែលបណ្តាលឲ្យប្រមុខកងទ័ពអ៊ុយក្រែនត្រូវបានជំនួសនៅដើមខែនេះ គឺពាក់ព័ន្ធនឹងផែនការសកម្មភាពថ្មីនៅលើសមរភូមិ៕