រូបថតពីផ្កាយរណប Maxar បង្ហាញឲ្យឃើញមូលដ្ឋាននុយក្លេអ៊ែរ Sanjarian ភាគខាងកើតអ៊ីរ៉ង់ កាលពីថ្ងៃទី១៥ តុលា ឆ្នាំ២០២០។ (រូបថត៖ AFP/TTXVN)

អ៊ីរ៉ង់បានអះអាងថា មជ្ឈមណ្ឌលនេះមិនស្ថិតក្នុងវិសាលភាពនៃកិច្ចព្រមព្រៀងនាពេលថ្មីៗនេះរវាងអ៊ីរ៉ង់និង IAEAឡើយ។ នៅក្នុងសេចក្តីថ្លែងការណ៍មួយនៅលើបណ្តាញសង្គម ឯកអគ្គរដ្ឋទូតអ៊ីរ៉ង់ប្រចាំនៅ IAEA លោក Kazem Gharibabadi បានសង្កត់ធ្ងន់ថា សេចក្តីថ្លែងការណ៍នៅថ្ងៃទី ២៦ ខែកញ្ញារបស់ IAEA គឺមិនត្រឹមត្រូវនិងស្ថិតនៅ ក្រៅពីកិច្ចព្រមព្រៀងរវាងភាគីទាំងពីរ។ យោងតាមលោក Gharibabadi នៅក្នុងការចរចានៅទីក្រុងតេហេរ៉ង់និងវីយែន អ៊ីរ៉ង់បានចង្អុលបង្ហាញយ៉ាងច្បាស់លាស់ថា ឧបករណ៍ឃ្លាំមើលរបស់IAEA នៅឯមជ្ឈមណ្ឌលនុយក្លេអ៊ែរ TESA Karaj  គឺមិនស្ថិតក្នុងកិច្ចព្រមព្រៀងនោះទេ។