ទិដ្ឋភាពទូទៅនៃវង់ចរចាថ្មីស្តីពីការស្តារឡើងវិញកិច្ចព្រមព្រៀង JCPOA នៅទីក្រុងវីយ៉ែនប្រទេសអូទ្រិស ថ្ងៃទី២៧ ខែធ្នូ។ (រូបថត៖ AFP/TTXVN)

លោក Hossein Amirabdollahian ក៏បានសម្តែងជំនឿជាក់ថា នឹងសម្រេចបានកិច្ចព្រមព្រៀងមួយឲ្យបានឆាប់ៗនាពេលខាងមុខ ប្រសិនបើភាគីដែលនៅសេសសល់ បានបង្ហាញពីភាពហ្មត់ចត់បន្ថែមទៀតក្នុងការចរចា។

នាថ្ងៃដដែលនោះ បេសកជនពិសេសទទួលបន្ទុកបញ្ហានុយក្លេអ៊ែររបស់រុស្ស៊ីលោក Mikhail Ulyanov បានឲ្យដឹងថា ការចរចាដើម្បីស្ដារឡើងវិញកិច្ចព្រមព្រៀង JCPOA នៅទីក្រុងវីយែន (អូទ្រីស) កំពុង “មានវឌ្ឍនភាពដែលមិនអាចប្រកែកបានឡើយ”។ លោក Mikhail Ulyanov បានឲ្យដឹងថា ការដកទណ្ឌកម្មកំពុងត្រូវបានពិភាក្សាយ៉ាងក្តៅគគុកនៅក្នុងជំនួបក្រៅផ្លូវការនានា។

បច្ចុប្បន្នលោក Ulyanov កំពុងចូលរួមក្នុងវង់ចរចាទី៨ ស្តីពីកិច្ចព្រមព្រៀងនុយក្លេអ៊ែរអ៊ីរ៉ង់ ដែលទើបបានចាប់ផ្តើមឡើងវិញនៅថ្ងៃទី ២៧ ខែធ្នូ ក្នុងនោះទីក្រុងតេហេរ៉ង់បានផ្តោតសំខាន់លើទិដ្ឋភាពមួយនៃកិច្ចព្រមព្រៀងដំបូង គឺការទាមទារសម្រាប់ការដកទណ្ឌកម្ម។ កាលពីវង់ចរចាមុននោះ តំណាងភាគីអង់គ្លេស បារាំង និងអាល្លឺម៉ង់ បាននាំចេញការវាយតម្លៃទុទិដ្ឋិនិយម អំពីលទ្ធភាពនៃការស្តារលើងវិញនូវកិច្ចព្រមព្រៀង JCPOA ៕