អ៊ីរ៉ង់បើកច្រកទ្វារព្រំដែនជាមួយតំបន់ស្វយ័តជន Kurd នៅអ៊ីរ៉ាក់ឡើងវិញ

(VOVworld) – នាថ្ងៃទី ២៥ តុលា អ៊ីរ៉ង់បានបើកច្រកទ្វារ Bashmagh ឡើងវិញព្រំដែនជាមួយតំបន់ស្វយ័តជន  Kurd នៅប៉ែកខាងជើងអ៊ីរ៉ាក់ បន្ទាប់ពីបិទចក្រទ្វារនេះសំដៅតបតវិញការបោះប្រជាមតិទាមទារឲ្យឯករាជ្យរបស់ជន Kurd នាខែទៅមិញ។ អ្នកប្រមុខស្ថាប័នគយអ៊ីរ៉ង់នៅច្រកទ្វារ Bashmagh ពោលខាងលើ លោក Jahangir Bakhshi បានលើកច្បាស់ថា៖ អ៊ីរ៉ង់បានបិទច្រកទ្វារនានាជាមួយតំបន់ស្វយ័តជន Kurd បន្ទាប់ពីការបោះប្រជាមតិនិងបំរ៉ែបំរួលក្នុងតំបន់នេះ។ លោកក៏បានជូនដំណឹងថា៖ ច្រកទ្វារព្រំដែន Bashmagh បានបើកឡើវិញនាថ្ងៃដដែល។ ប៉ុន្តែ មិនច្បាស់លាស់អំពី ពេលណាបណ្ដាច្រកទ្វារព្រំដែនផ្សេងៗទៀតរវាងអ៊ីរ៉ង់និងតំបន់ស្វយ័តជន Kurd នឹង ត្រូវបានបើកឡើងវិញនៅឡើយ៕