មុននោះ នាថ្ងៃទី ៨ ខែសីហា តំណាងជាន់ខ្ពស់សហភាពអឺរ៉ុបទទួលបន្ទុកកិច្ចការបរទេស និងគោលនយោបាយសន្តិសុខ លោក Josep Borrell ដែលធ្លាប់កាន់តួនាទីជាអ្នកសម្របសម្រួលការចរចា បានឲ្យដឹងថា សេចក្តីព្រាងដែលមាន ២៥ ទំព័រ ត្រូវបានដាក់ជូនដើម្បីប្រទេសពាក់ព័ន្ធនានាធ្វើការសម្រេច។ បន្ទាប់មក អាមេរិកបានប្រកាសពីការត្រៀមខ្លួន "ចុះហត្ថលេខាលើកិច្ចព្រមព្រៀងយ៉ាងឆាប់រហ័ស" ដើម្បីស្ដារកិច្ចព្រមព្រៀង JCPOA ឡើងវិញ ដោយផ្អែកលើសំណើរបស់ EU។ អាជ្ញាធរអ៊ីរ៉ង់ក៏បានឲ្យដឹងថា ប្រទេសនេះនឹងជូនដំណឹងដល់សហភាពអឺរ៉ុបអំពីគោលជំហររបស់ទីក្រុងតេហេរ៉ង់បន្ទាប់ពីការពិគ្រោះយោបល់ក្នុងស្រុក៕