កាកសំណល់ប្លាស្ទិកតាមឆ្នេរសមុទ្រ។ ប្រភព៖ Reuters

គម្រោងនេះត្រូវបានអនុវត្តន៍ក្នុងរយៈពេល៥ឆ្នាំនៅទូទាំងតំបន់អាស៊ីអាគ្នេយ៍ ក្នុងគោលបំណងកាត់បន្ថយការប្រើប្រាស់ប្លាស្ទិក បង្កើនការកែច្នៃឡើងវិញ និងកាត់បន្ថយការលេចធ្លាយ សំដៅការពារការបំពុលដោយកាកសំណល់ប្លាស្ទិកនៅលើសមុទ្រ។ គម្រោងនេះ នឹងផ្តល់ការគាំទ្រយ៉ាងទូលំទូលាយក្នុងការអភិវឌ្ឍ និងសម្របសម្រួលគោលនយោបាយក្នុងតំបន់ ក៏ដូចជាបង្កើតវេទិកាសម្រាប់ការច្នៃប្រឌិត ការវិនិយោគ ចំណេះដឹង និងទំនាក់ទំនងភាពជាដៃគូ។ សកម្មភាពក្នុងក្របខណ្ឌនៃគម្រោងនេះ នឹងរួមចំណែកដល់ការអនុវត្តផែនការសកម្មភាពប្រឆាំងសំរាមសមុទ្រក្នុងតំបន់អាស៊ាន និងសេចក្តីប្រកាសរបស់មេដឹកនាំអាស៊ានស្តីពីសេដ្ឋកិច្ចបៃតង ក៏ដូចជាការអនុវត្តកិច្ចសន្យារបស់អាស៊ានក្នុងការប្រើប្រាស់ អភិរក្ស និងគ្រប់គ្រងមហាសាគរ ធនធានសមុទ្រ ក៏ដូចជាប្រព័ន្ធអេកូឡូស៊ីសមុទ្រនិងឆ្នេរសមុទ្រ៕