អាស៊ាន - ស្វីស៖ ប្តេជ្ញាចិត្តគាំទ្រ និងឆ្ពោះទៅរកគោលដៅពាណិជ្ជកម្មសេរី (រូបថត៖ baoquocte.vn)

នៅក្នុងកិច្ចប្រជុំនេះ គ្រប់ភាគីទាំងអស់សុទ្ធតែបានសម្តែងនូវការព្រួយបារម្ភរួមអំពីផលប៉ះពាល់ នៃជំងឺរាត ត្បាតកូវីដ ១៩ ចំពោះកំណើន និងការអភិវឌ្ឍសេដ្ឋកិច្ចរបស់ភាគីនានា។ ទន្ទឹមនឹងនេះ ទទួលស្គាល់ភាពចាំបាច់នៃសាមគ្គីភាព និងកិច្ចសហប្រតិបត្តិការយ៉ាងជិតស្និទ្ធិថែមទៀតរវាងភាគីនានា ដើម្បីប្រយុទ្ធប្រឆាំងជំងឺរាតត្បាតកូវីដ ១៩ និងពន្លឿនដំណើរកាស្ដារសេដ្ឋកិច្ចឡើងវិញក្រោយពីជំងឺរាតត្បាត។ ក្នុងឱកាសនេះ ភាគីទាំងអស់បានសន្យាជំរុញកិច្ចសហប្រតិបត្តិការដើម្បីរក្សានិងពង្រឹងទំនាក់ទំនងសេដ្ឋកិច្ចរវាងអាស៊ាននិងស្វីស  ដោយខិតខំប្រឹងប្រែងដើម្បីកាត់បន្ថយផលប៉ះពាល់នៃជំងឺរាតត្បាតកូវីដ ១៩ ចំពោះខឿនសេដ្ឋកិច្ចរបស់ភាគីនានា និងបន្តប្រដេញតាមគោលនយោបាយសេដ្ឋកិច្ចបើកទូលាយ ប្រកបដោយតម្លាភាព។ បណ្ដាប្រទេសអាស៊ាននិងស្វ៊ីសបានសន្យាគាំទ្រនិងបន្តប្រដេញតាមគោលដៅពាណិជ្ជកម្មសេរីដោយឈរលើមូលដ្ឋាននៃប្រព័ន្ធពាណិជ្ជកម្មពហុភាគី របស់អង្គការពាណិជ្ជកម្មពិភពលោកក៏ដូចជាឯកភាពគ្នាសហប្រតិបត្តិការដើម្បីសម្រេចឲ្យបានលទ្ធផលជាក់ស្តែងផងដែរ៕