ឯកអគ្គរដ្ឋទូត Hoang Van Loi បានថ្លែងនៅក្នុងកិច្ចប្រជុំ (រូបថត៖ TTXVN)

នៅក្នុងកិច្ចប្រជុំនេះ បណ្ដាឯកអគ្គរដ្ឋទូតអាស៊ានប្រចាំនៅ Pretoria សុទ្ធតែបានវាយតម្លៃថា វៀតណាមបានបំពេញល្អនូវភារកិច្ចក្នុងនាមជាប្រធានអាស៊ានក្នុងរយៈពេល ៩ខែកន្លងទៅ។ ជាក់ស្ដែង ឯកអគ្គរដ្ឋទូតថៃប្រចាំនៅអាហ្វ្រិកខាងត្បូងលោក Komate Kamalanavin បានអះអាងថា ក្នុងនាមជាប្រធានអាស៊ាន វៀតណាមបានធ្វើសកម្មភាពជាច្រើន ដើម្បីបង្ហាញចក្ខុវិស័យភាពជាអ្នកដឹកនាំយ៉ាងខ្លាំងក្លាក្នុងការដឹកនាំសមូហភាពប្រយុទ្ធប្រឆាំងជំងឺរាតត្បាតកូវីដ ១៩។ ទន្ទឹមនឹងនេះ លោកក៏បានវាយតម្លៃខ្ពស់ចំពោះការចូលរួមចំណែករបស់វៀតណាម ជាពិសេសគឺការជួយសម្រួលប្រទេសជាសមាជិកអាស៊ានមួយចំនួន ក៏ដូចជាបណ្តាប្រទេសដៃគូមួយចំនួនក្នុងការឆ្លើយតបនឹងជំងឺរាតត្បាតផងដែរ។ ចំណែកឯឯកអគ្គរដ្ឋទូតម៉ាឡេស៊ីលោក Mohamad Nizan B. Mohamad បានឲ្យដឹងថា លោកមានចំណាប់អារម្មណ៍ចំពោះភាពម្ចាស់ការ និងការទទួលខុសត្រូវរបស់វៀតណាមក្នុងការសម្របសម្រួល និងដឹកនាំអាស៊ានដើម្បីជំនះពុះពារលើរាល់ការសាកល្បងរួម ជាពិសេសគឺវិបត្តិជំងឺកូវីដ ១៩ ផងដែរ៕