រូបភាព៖ twitter

នៅក្នុងកិច្ចប្រជុំនេះ ភាគីទាំងពីរបានអះអាងបញ្ជាក់សារជាថ្មី អំពីការប្តេជ្ញា ពង្រឹងភាពជាដៃគូអភិវឌ្ឍន៍ តាមរយៈការអនុវត្តវិស័យសហប្រតិបត្តិការជាក់ស្តែង (PCAs) ក្នុងក្របខ័ណ្ឌនៃទំ នាក់ទំនងភាពជាដៃគូអភិវឌ្ឍន៍អាស៊ាន-ឈីលី ដំណាក់កាល ២០២១-២០២៥ ដែលបានអនុម័តកាលពីឆ្នាំ ២០២១ ដើម្បីតម្រង់ទិសដៅសម្រាប់ការចូលរួម និងកិច្ចសហប្រតិបត្តិការទ្វេភាគី។ ដោយពិចារណាលើវឌ្ឍនភាពនៃការអនុវត្ត PCA អង្គប្រជុំបានចាត់ទុកថា ក្នុងឆ្នាំដំបូងនៃការអនុវត្ត PCA នេះ សកម្មភាពចំនួន ១០ ក្នុងចំណោមចរន្តសកម្មភាពចំនួន ២៦ (ស្មើនឹង ៣៨%) បាននិងកំពុងត្រូវបានដោះស្រាយ។ ភាគីទាំងពីរបានឯកភាពគ្នា ក្នុងការស្វែងរកមធ្យោបាយប្រកបដោយភាពច្នៃប្រឌិត ដើម្បីអនុវត្ត PCA។

ភាគីទាំងពីរក៏បានពិភាក្សាអំពីវឌ្ឍនភាពនាពេលថ្មីៗនេះក្នុងតំបន់អាស៊ាន និងឈីលី ហើយបានពិភាក្សាលើវិស័យអាទិភាពមួយចំនួន នៃកិច្ចសហប្រតិបត្តិការ ដូចជា ពាណិជ្ជកម្មនិងការវិនិយោគ កិច្ចសហប្រតិបត្តិការធនធានរ៉ែ ថាមពលកកើតឡើងវិញប្រកបដោយនិរន្តរភាពនិងកកើតឡើងវិញ រួមមានប្រសិទ្ធភាពថាមពល សហគ្រាសធុនតូចនិងមធ្យម ការចូលរួមរបស់វិស័យឯកជន ការគ្រប់គ្រងព្រៃឈើប្រកបដោយនិរន្តរភាព និងការវិនិយោគលើព្រៃឈើ ការផ្គត់ផ្គង់ត្រីសាម៉ុងប្រកបដោយនិរន្តរភាព កិច្ចសហប្រតិបត្តិការពង្រឹងសមត្ថភាពក្នុងវិស័យពង្រាងកិច្ចព្រមព្រៀងឌីជីថលផងដែរ៕