អនុរដ្ឋមន្ត្រីការបរទេស លោក Nguyen Quoc Dung (រូបថត៖ ក្រសួងការបរទេស)

កិច្ចប្រជុំនេះ មានភារកិច្ចត្រៀមរៀបចំសម្រាប់កិច្ចប្រជុំថ្នាក់រដ្ឋមន្រ្តីការបរទេសចង្អៀត (AMMR) ដែលនឹងធ្វើឡើងតាមប្រព័ន្ធវីដេអូ នៅថ្ងៃទី ២១ ខែមករា។ នៅឯកិច្ចប្រជុំ ប្រតិភូបន្តលើកកម្ពស់នូវពហុភាគីនិយមនិងអះអាងជាថ្មីនូវការប្តេជ្ញាចិត្តរបស់អាស៊ានក្នុងការជំរុញកិច្ចសហប្រតិបត្តិការពហុភាគី ដើម្បីធានាសន្តិភាព សន្តិសុខ សុវត្ថិភាពនិងវិបុលភាពនៅក្នុងតំបន់និងពិភពលោក។ បណ្តាប្រទេសនានាជឿជាក់ថា ស្ថានភាពសមុទ្រខាងកើតនៅតែបន្តវិវឌ្ឍន៍ប្រកបដោយភាពស្មុគស្មាញ ដែលទាមទារឱ្យអាស៊ានរក្សាសាមគ្គីភាព ឯកភាពនិងការប្តេជ្ញាចិត្ត ដើម្បីរួមចំណែកដល់សន្តិភាពនិងស្ថិរភាពនៅសមុទ្រខាងកើត និងនៅក្នុងតំបន់ទាំងមូល។ ទន្ទឹមជាមួយគ្នានោះ ភាគីនានាគួរតែបន្តអនុវត្តសេចក្តីថ្លែងការណ៍ ស្តីពីការប្រព្រឹត្តិរបស់ភាគីនានានៅសមុទ្រខាងកើត (DOC) និងជំរុញការអនុវត្តកិច្ចចរចាឡើងវិញ ដើម្បីបង្កើតក្រមប្រតិបត្តិសម្រាប់ភាគីនានានៅសមុទ្រខាងកើតប្រកបដោយប្រសិទ្ធភាពនិងសុពលភាព  សមស្របនឹងច្បាប់អន្តរជាតិ ក្នុងនោះមានអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២។

អនុរដ្ឋមន្រ្តីលោក  Nguyen Quoc Dung បានសង្កត់ធ្ងន់ថា អាស៊ានចាំបាច់ត្រូវរក្សាសាមគ្គីភាព ឆ្លើយតបយ៉ាងសកម្មចំពោះបញ្ហាប្រឈមដែលកំពុងកើតមានឡើង ជាពិសេស អាស៊ានគួរតែបន្តជាកម្លាំងស្នូល ដើម្បីចូលរួមវិភាគទានយ៉ាងវិជ្ជមានដល់សន្តិភាពនិងស្ថិរភាពប្រកបដោយចីរភាពនៃតំបន់និងពិភពលោក៕