ឯកអគ្គរដ្ឋទូត លោក Dang Hoang Giang ប្រធានបេសកកម្មអចិន្ត្រៃយ៍វៀតណាមប្រចាំនៅអង្គការសហប្រជាជាតិ។ រូបថត៖ VOV

ថ្លែងមតិនៅសម័យប្រជុំនេះ តាងនាមសមាគមប្រជាជាតិអាស៊ីអាគ្នេយ៍ (អាស៊ាន) ឯកអគ្គរដ្ឋទូត លោក Dang Hoang Giang ប្រធានបេសកកម្មអចិន្ត្រៃយ៍វៀតណាមប្រចាំនៅអង្គការសហប្រជាជាតិ បានសង្កត់ធ្ងន់ថា អាស៊ានមានបំណងចង់ឲ្យសហគមន៍អន្តរជាតិមានការខិតខំប្រឹងប្រែងនិងការសន្យាពហុភាគីជាច្រើនថែមទៀត ដើម្បីដោះស្រាយជម្លោះតាមរយៈវិធីសាស្រ្តគ្រប់ជ្រុងជ្រោយ និងមានការសម្របសម្រួលយ៉ាងជិតស្និទ្ធ ក្នុងនោះត្រូវពង្រឹងតួនាទីរបស់អង្គការតំបន់ក្នុងការធានាសន្តិភាពនិងស្ថិរភាព។ ឯកអគ្គរដ្ឋទូត លោក Dang Hoang Giang បានអះអាងជាថ្មីនូវការសន្យាដ៏រឹងមាំរបស់អាស៊ានចំពោះកិច្ចខិតខំប្រឹងប្រែងរក្សានិងកសាងសន្តិភាពរបស់អង្គការសហប្រជាជាតិ ដោយបានត្រៀមខ្លួនជាស្រេចជំរុញការអន្តរាគមន៍និងកិច្ចសហប្រតិបត្តិការជាមួយដៃគូសន្ទនានិងដៃគូក្រៅតំបន់ រួមទាំងតាមរយៈយន្តការដែលមានស្រាប់ដឹកនាំដោយអាស៊ានដើម្បីជំរុញសន្តិភាព សន្តិសុខ ស្ថិរភាព និងការអភិវឌ្ឍ ទន្ទឹមនឹងនោះ ពង្រឹងសមត្ថភាពខ្លួនទីពឹងខ្លួនរបស់តំបន់ចំពោះបញ្ហាសាកល្បងដែលកំពុងលេចចេញ។ អ្នកតំណាងអាស៊ានបានអំពាវនាវឱ្យភាគីទាក់ទិននានាខិតខំប្រឹងប្រែងដោះស្រាយបញ្ហាប្រឈមធនធានសម្រាប់ការកសាងសន្តិភាព លើកទឹកចិត្តឱ្យធានាការចូលរួមយ៉ាងពេញលេញ យុត្តិធម៌ និងមានអត្ថន័យរបស់ស្ត្រីនៅគ្រប់កម្រិតផ្សេងៗគ្នានៃដំណើរការសន្តិភាព៕