អញ្ជើញថ្លែងនៅក្នុងកិច្ចប្រជុំកំពូលនៃក្រុម D8 ដែលបានប្រព្រឹត្តិទៅនៅឥណ្ឌូនេស៊ីនោះ ប្រធានាធិបតី លោក Joko Widodo បានព្រមានថាលទ្ធភាពទទួលបានវ៉ាក់សាំងប្រកបដោយសមភាពបំផុតគឺតម្លៃវ៉ាក់សាំងសម្រាប់ប្រទេសទាំងអស់។ ប្រការនេះមានន័យថាពិភពលោកត្រូវមានលទ្ធភាពបង្កើនសមត្ថភាពផលិតកម្ម ហើយនឹងគ្មានកំហិតណាមួយចំពោះការផលិត និងចែកចាយវ៉ាក់សាំងនោះឡើយ។ ក្នុងបរិបទនេះ ក្រុម D8 អាចដើរតួនាទីផ្តល់សមត្ថភាពផលិតកម្មរបស់ខ្លួន ដើម្បីជំរុញលទ្ធភាពទទួលបានវ៉ាក់សាំងប្រកបដោយសមភាពនិងលើកទឹកចិត្តដល់ការផ្ទេរប្រគល់បច្ចេកវិទ្យា។ ទន្ទឹមនឹងនេះ លោក Joko Widodo បានចាត់ទុកថា ការបង្កើនពាណិជ្ជកម្មក្នុងប្លុករវាងបណ្ដាប្រទេសជាសមាជិក ក្រុម D8 នឹងជាកម្លាំងចលករជំរុញការអភិវឌ្ឍសេដ្ឋកិច្ចផងដែរ៕