រដ្ឋមន្រ្តីការបរទេសឥណ្ឌូនេស៊ីលោកស្រី Retno Marsudi បានអំពាវនាវឱ្យមានការអនុវត្តប្រកបដោយតម្លាភាពក្នុងការអនុវត្ត លើ ចំណុចមូលមតិ ចំនួន ៥ អំពីមីយ៉ាន់ម៉ា (រូបថត៖ ក្រសួងការបរទេសឥណ្ឌូណេស៊ី)

រដ្ឋមន្ត្រីការបរទេសឥណ្ឌូនេស៊ី លោកស្រី Retno Marsudi បានអំពាវនាវឱ្យសមាគមប្រជាជាតិអាស៊ីអាគ្នេយ៍ (អាស៊ាន) និងចិន តភ្ជាប់ឡើងវិញកិច្ចពិភាក្សា ស្តីពីក្រមប្រតិបត្តិសម្រាប់ភាគីនានានៅសមុទ្រខាងកើត (COC) រវាងភាគីទាំងពីរដូចជាការណែនាំការប្រព្រឹត្តសម្រាប់ប្រទេសនានានៅសមុទ្រខាងកើត។ ថ្លែងនៅក្នុងកិច្ចប្រជុំពិសេសថ្នាក់រដ្ឋមន្ត្រីការបរទេសអាស៊ាន - ចិន ដែលប្រារព្ធធ្វើឡើងនៅទីក្រុងឆុងឈីងប្រទេសចិន លោកស្រី Retno បានសង្កត់ធ្ងន់ថា បញ្ហាសមុទ្រខាងកើត គឺជាការសាកល្បងដ៏ធំមួយសម្រាប់ភាពជាដៃគូនៃបណ្តាប្រទេសសមាជិកអាស៊ាននិងចិន។  ហើយ ឥណ្ឌូណេស៊ីត្រៀមជាស្រេច រៀបចំកិច្ចប្រជុំពិភាក្សា COC នាពេលខាងមុខនេះ។ ឥណ្ឌូណេស៊ីក៏លើកទឹកចិត្ត ដល់គ្រប់ភាគីទាំងអស់ ឱ្យគោរពតាមសេចក្តីប្រកាសស្តីពីការប្រព្រឹត្តរបស់ភាគីនានានៅសមុទ្រខាងកើត (DOC) ដែលរួមបញ្ចូលទាំងការដែលភាគីទាំងអស់ត្រូវអនុវត្តន៍ភាពអត់ធ្មត់ផងដែរ។

លោកស្រី Retno ក៏បានឲ្យដឹងថា សក្ដានុពលនៃភូមិសាស្ត្រនយោបាយពិភពលោកកំពុងវិវឌ្ឍន៍ ដែលទាមទារឱ្យប្រទេសទាំងអស់ ត្រូវជំរុញកិច្ចពិភាក្សាក្នុងការដោះស្រាយភាពខុសគ្នានិងជម្លោះ។ ប្រការសំខាន់គឺត្រូវកសាងការជឿទុកចិត្តជាយុទ្ធសាស្ត្រ មិនមែនជាឥរិយាបទដែលធ្វើឱ្យអន្តរាយដល់ការជឿទុកចិត្តគ្នាទៅវិញទៅមកនោះទេ៕