ឯកអគ្គរដ្ឋទូត ប្រធានបេសកកម្មអចិន្ត្រៃយ៍វៀតណាម លោកស្រី Le Thi Tuyet Mai និងឧត្តមស្នងការនៃអង្គការសហប្រជាជាតិទទួលបន្ទុកសិទ្ធិមនុស្ស លោកស្រី Michelle Bachelet (រូបថតៈ TTXVN)

នាថ្ងៃទី ១៨ ខែកុម្ភៈ ឯកអគ្គរដ្ឋទូតវិសាមញ្ញនិងពេញសមត្ថភាពវៀតណាមលោកស្រី Le Thi Tuyet Mai ប្រ ធានបេសកកម្មអចិន្រ្តៃយ៍វៀតណាមអមអង្គការសហប្រជាជាតិ អង្គការពាណិជ្ជកម្មពិភពលោក (WTO) និងអង្គការអន្តរជាតិដទៃទៀតប្រចាំនៅទីក្រុងហ្សឺណែវ បានអញ្ជើញជួបសម្តែងការគួរសមនិងពិភាក្សាការងារជាមួយឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស លោកស្រី Michelle Bachelet នៅឯទីស្នាក់ការនៃឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស នៅទីក្រុងហ្សឺណែវនៃប្រ ទេសស្វីស។

ក្នុងជំនួបនេះ ស្នងការសិទ្ធិមនុស្សលោកស្រី Michelle Bachelet បានវាយតម្លៃខ្ពស់ចំពោះតួនាទីនិងកិច្ចសហប្រតិបត្តិការរបស់វៀតណាមជាមួយបណ្តាយន្តការរបស់អង្គការសហប្រជាជាតិ ក៏ដូចជាសមិទ្ធិផលថ្មីៗនេះរបស់ វៀតណាមក្នុងការជំរុញនិងការពារសិទ្ធិមនុស្ស។ លោកស្រី Michelle Bachelet សង្ឃឹមថា វៀតណាមនឹងបន្តចូលរួមចំណែកក្នុងក្រុមប្រឹក្សាសិទ្ធិមនុស្សនៃអង្គការសហប្រជាជាតិ ជាពិសេស រួមចំណែកដល់គោលដៅអភិវឌ្ឍន៍ប្រកបដោយចីរភាពនៅវៀតណាមនិងក្នុងតំបន់ ព្រមទាំងលើកកម្ពស់នូវតួនាទីជាប្រធានអាស៊ានដើម្បីជំរុញកិច្ចសហប្រតិបត្តិការរវាងការិយាល័យឧត្តមស្នងការនិងសមាគមប្រជាជាតិអាស៊ីអាគ្នេយ៍ (អាស៊ាន) ផងដែរ។

អញ្ជើញជាការឆ្លើយតបលោកស្រីឯកអគ្គរដ្ឋទូត Le Thi Tuyet Mai បានជម្រាបអំពីអាទិភាព គោលនយោ បាយនិងសមិទ្ធិផលថ្មីៗរបស់វៀតណាមក្នុងការជំរុញនិងការពារសិទ្ធិមនុស្ស។ លោកស្រីឯកអគ្គរដ្ឋទូតបានបញ្ជាក់ថា ការលើកកម្ពស់និងការពារសិទ្ធិមនុស្សក៏ជាបញ្ហាគន្លឹះក្នុងការអនុវត្តរដ្ឋធម្មនុញ្ញឆ្នាំ ២០១៣ និង គោលនយោបាយអភិវឌ្ឍន៍សេដ្ឋកិច្ចសង្គមរបស់វៀតណាម៕