ឧបនាយករដ្ឋមន្ត្រីអចិន្ត្រៃយ៍ Pham Binh Minh ថ្លែងមតិក្នុងពិធី (រូបថត៖ Pham Huan/ VOV នៅអាមេរិក)

ថ្លែងមតិក្នុងពិធី  លោកឧបនាយករដ្ឋមន្ត្រីបានសង្កត់ធ្ងន់ម្តងទៀតអំពីតួនាទីសំខាន់នៃសាមគ្គីភាពអន្តរជាតិ និងពហុភាគីនិយម ដោយអង្គការសហប្រជាជាតិជាមជ្ឈមណ្ឌល ព្រមទាំងបានអះអាងនូវការគាំទ្រ និងការប្តេជ្ញាចិត្តយ៉ាងមុតមាំរបស់វៀតណាមចំពោះតួនាទីរបស់អង្គការសហប្រជាជាតិក្នុងការដឹកនាំ និងសម្របសម្រួលកិច្ចខិតខំប្រឹងប្រែងពហុភាគី ដើម្បីឆ្លើយតបទៅនឹងបញ្ហាប្រឈមសកល។ លោកឧបនាយករដ្ឋមន្ត្រីបានសម្តែងក្តីសង្ឃឹមចង់ឲ្យសហគមន៍អន្តរជាតិជួយឧបត្ថម្ភវៀតណាមចូលជាសមាជិកក្រុមប្រឹក្សាសិទ្ធិមនុស្សអាណត្តិ ២០២៣-២០៣៥ ដើម្បីវៀតណាមអាចរួមចំណែកបន្ថែមទៀតដល់កិច្ចការរបស់អង្គការសហប្រជាជាតិក្នុងបេសកកម្មដ៏សំខាន់ គឺធានា និងលើកកម្ពស់សិទ្ធិមនុស្ស។

គណៈប្រតិភូអបអរសាទរខួបលើកទី ៧៧ នៃទិវាបុណ្យជាតិវៀតណាម និង ៤៥ឆ្នាំនៃការចូលជាសមាជិកអង្គការសហប្រជាជាតិរបស់វៀតណាម (រូបថត៖ Pham Huan/ អ្នកយកព័ត៌មាន VOV នៅអាមេរិក)

ថ្នាក់ដឹកនាំអង្គការសហប្រជាជាតិ និងតំណាងប្រទេសដែលចូលរួមទាំងអស់បានសម្តែងការចាប់អារម្មណ៍ចំពោះសមិទ្ធិផលរបស់ប្រជាជនវៀតណាមក្នុងរយៈពេល ៧៧ ឆ្នាំកន្លងមក។ តំណាងប្រទេស និងថ្នាក់ដឹកនាំ អ.ស.ប ក៏បានស្វាគមន៍ចំពោះសមិទ្ធិផលរបស់វៀតណាមក្នុងការអនុវត្តគោលនយោបាយការបរទេសឯករាជ្យ ភាពខ្លួនទីពឹងខ្លួន ពហុភាគីភាវូបនីយកម្ម និងពិពិធកម្ម ព្រមទាំងការរួមចំណែកជាវិជ្ជមាន តុល្យភាព និងមានការទទួលខុសត្រូវរបស់វៀតណាមក្នុងការងាររួមរបស់អង្គការសហប្រជាជាតិ និង សហគមន៍អន្តរជាតិនាពេលកន្លងមកនេះ៕