ឧបនាយករដ្ឋមន្ត្រី លោក Tran Luu Quang ចូលរួមកិច្ចប្រជុំជាន់ខ្ពស់លើកទី ៥២ នៃក្រុមប្រឹក្សាសិទ្ធិមនុស្សអង្គការសហប្រជាជាតិ  នៅទីក្រុងហ្សឺណែវ ប្រទេសស្វីស (រូបថត៖ VGP/Hai Minh)

នាព្រឹកថ្ងៃទី ២៧ ខែកុម្ភៈ ឧបនាយករដ្ឋមន្ត្រី លោក Tran Luu Quang បានអញ្ជើញចូលរួម និងថ្លែងសុន្ទរកថាក្នុងសម័យប្រជុំជាន់ខ្ពស់នៃសម័យប្រជុំលើកទី ៥២ នៃក្រុមប្រឹក្សាសិទ្ធិមនុស្សអង្គការសហប្រជាជាតិនៅទីក្រុងហ្សឺណែវ ប្រទេសស្វីស។ នេះជាសកម្មភាពដំបូងរបស់លោកឧបនាយករដ្ឋមន្ត្រី Tran Luu Quang ក្នុងក្របខ័ណ្ឌនៃដំណើរទស្សនកិច្ចរបស់លោក ចូលរួមសម័យប្រជុំជាន់ខ្ពស់លើកទី ៥២ នៃក្រុមប្រឹក្សាសិទ្ធិមនុស្សអង្គការសហប្រជាជាតិ ចាប់ពីថ្ងៃទី ២៧-២៨ ខែកុម្ភៈ។ ដំណើរទស្សនកិច្ចរបស់លោកឧបនាយករដ្ឋមន្ត្រី Tran Luu Quang បានបើកជាផ្លូវការនូវការចូលរួមរបស់វៀតណាមក្នុងនាមជាសមាជិកក្រុមប្រឹក្សាសិទ្ធិមនុស្សអង្គការសហប្រជាជាតិសម្រាប់អាណត្តិ ២០២៣-២០២៥។

ក្នុងឱកាសនេះ លោកឧបនាយករដ្ឋមន្ត្រី Tran Luu Quang ក៏បានអញ្ជើញជួបពិភាក្សាការងារជាមួយថ្នាក់ដឹកនាំអង្គការអន្តរជាតិនានានៅទីក្រុងហ្សឺណែវ; ទទួលជួបថ្នាក់ដឹកនាំ និងមន្ត្រីនៃប្រទេសមួយចំនួន ដើម្បីពង្រឹងទំនាក់ទំនងកិច្ចសហប្រតិបត្តិការជាមួយអង្គការជាតិ និងប្រទេសទាំងនេះ៕