ឧបនាយករដ្ឋមន្ត្រី លោក Le Minh Khai បានចូលរួម និងថ្លែងមតិនៅក្នុងកិច្ចប្រជុំស្តីពី “អាស៊ានឌីជីថលមួយសម្រាប់អ្នកទាំងអស់គ្នា” (រូបថត៖TTXVN)

បន្តសកម្មភាពនៅក្នុងកិច្ចប្រជុំប្រចាំឆ្នាំលើកទី ៥២ នៃវេទិកាសេដ្ឋកិច្ចពិភពលោក (WEF) នៅទីក្រុង Davos ប្រទេសស្វីសពីថ្ងៃទី ២៣-២៤ ឧសភា ឧបនាយករដ្ឋមន្ត្រី លោក Le Minh Khai បានអញ្ជើញចូលរួមនិងថ្លែងមតិក្នុងកិច្ចប្រជុំស្តីពី “អាស៊ានឌីជីថលមួយសម្រាប់អ្នកទាំងអស់គ្នា” និងកិច្ចសន្ទនារបស់ថ្នាក់ដឹកនាំស្តីពី "ការកសាងសេដ្ឋកិច្ចខ្លួនទីពឹងខ្លួនសម្រាប់កំណើនប្រកបដោយចីរភាព"។ នៅក្នុងជំនួបទាំងនេះ ឧបនាយករដ្ឋមន្ត្រី លោក Le Minh Khai បានចែករំលែកនូវទស្សនៈ និងទិសដៅអភិវឌ្ឍន៍របស់វៀតណាម ក្នុងនោះមានការអភិវឌ្ឍយ៉ាងឆាប់រហ័ស និងប្រកបដោយនិរន្តរភាព ដោយឈរលើមូលដ្ឋានវិទ្យាសាស្ត្រ-បច្ចេកវិទ្យា ការច្នៃប្រឌិត និងការផ្លាស់ប្តូរឌីជីថល។ វៀតណាមស្វាគមន៍ និងត្រៀមខ្លួនជាស្រេចដើម្បីបង្កើតលក្ខខណ្ឌអំណោយផលសម្រាប់អង្គការ និងអង្គភាពអាជីវកម្មបរទេស រួមជាមួយរដ្ឋាភិបាល និងសហគ្រាសវៀតណាម ជំរុញការអភិវឌ្ឍសេដ្ឋកិច្ចឌីជីថលតាមរយៈការបណ្តុះបណ្តាលធនធានមនុស្សឌីជីថល ការផ្ទេរបច្ចេកវិទ្យា ការស្រាវជ្រាវ-អភិវឌ្ឍន៍ និងជំរុញការផ្លាស់ប្តូរថ្មី ការច្នៃប្រឌិត...។

នាថ្ងៃដដែល ឧបនាយករដ្ឋមន្ត្រី លោក Le Minh Khai បានចូលជួបសវនការជាមួយប្រធានាធិបតីលីទុយអានី Gitanas Nausea; បានទទួលជួបរដ្ឋមន្ត្រីសេដ្ឋកិច្ចស្វីស Guy Parmelin;  បានទទួលជូបរដ្ឋមន្ត្រីក្រសួងការបរទេសនៃប្រទេសប៉េរូ César Rogrigo Landa; បានទទួលជួបអគ្គលេខាធិការនៃអង្គការសម្រាប់កិច្ចសហប្រតិបត្តិការសេដ្ឋកិច្ច និងអភិវឌ្ឍន៍ (OECD) Mathias Cormann; ទទួលជួបលោក Jan Jambon រដ្ឋមន្ត្រី - អភិបាលនៃតំបន់ Flanders ព្រះរាជាណាចក្របែលហ្សិកផងដែរ៕