ឧបនាយករដ្ឋមន្រ្តី រដ្ឋមន្រ្តីការបរទេស លោក Pham Binh Minh

នៅឯជំនួបនេះ ឧបនាយករដ្ឋមន្រ្តី រដ្ឋមន្រ្តីការបរទេស លោក Pham Binh Minh បានវាយតម្លៃខ្ពស់ចំពោះការឆ្លើយតបនឹងជំងឺរាតត្បាត COVID-19 នៅកាណាដានិងថ្លែងអំណរគុណចំពោះរដ្ឋាភិបាលកាណាដាដែលបានសម្របសម្រួល និងជួយគាំទ្ររដ្ឋាភិបាលវៀតណាម ដើម្បីរៀប ចំជើងហោះហើរចំនួន ២ សម្រាប់បញ្ចូនពលរដ្ឋ វៀតណាមជាង ៥៥០ នាក់នៅកាណាដា វិលត្រឡប់ មកស្រុកវិញ។  លោកឧបនាយករដ្ឋមន្រ្តី រដ្ឋមន្រ្តីការបរទេសវៀត ណាមបានអះអាងពីការប្តេជ្ញាចិត្តរបស់រដ្ឋាភិបាលវៀតណាម ក្នុងការប្រយុទ្ធប្រឆាំងនឹងការផ្ទុះឡើងនៃជំងឺរាតត្បាត ដោយផ្តោតលើការជំរុញផលិតកម្មនិងអាជីវកម្មក្នុងស្រុកផងនិងត្រៀមខ្លួនបង្កើនកិច្ច សហប្រតិបត្តិការជាមួយប្រទេសនានា ក្នុងនោះមានកាណាដាផង ដើម្បីស្តារពាណិជ្ជកម្ម និងខ្សែសង្វាក់ផ្គត់ ផ្គង់ពិភពលោកឡើងវិញ។

ចំណែកខ្លួនវិញ លោករដ្ឋមន្ត្រីការបរទេសកាណាដាលោក Francois-Philippe Champagne បានអះអាងថា លោកចង់បន្តចែករំលែកព័ត៌មាននិងកិច្ចសហប្រតិបត្តិការដើម្បីកំចាត់ជំងឺរាតត្បាត COVID-19 តាមរយៈយន្តការសហប្រតិបត្តិការទ្វេភាគីនិងពហុភាគី។

ទន្ទឹមជាមួយគ្នានោះ ភាគីទាំងពីរបានឯកភាពជំរុញការផ្លាស់ប្តូរគណៈប្រតិភូជាន់ខ្ពស់និងគ្រប់ជាន់ថ្នាក់ ក៏ដូចជារក្សាយន្តការសហប្រតិបត្តិការដែលមានស្រាប់រវាងក្រសួងការបរទេសនៃប្រទេសទាំងពីរ។ ភាគីទាំងពីរបានអះអាងថា នឹងសហការគ្នាយ៉ាងជិតស្និទ្ធនៅវេទិកាអន្តរជាតិនិងតំបន់ ក្នុងឆ្នាំដែលវៀតណាមក្នុងនាមជាប្រធានអាស៊ាន ២០២០ និង ជាសមាជិកមិនអចិន្រ្តៃយ៍នៃក្រុមប្រឹក្សាសន្តិសុខអង្គការសហប្រជាជាតិសម្រាប់អាណត្តិ ២០២០-២០២១ ផងដែរ៕