(VOVworld) - តាមសេចក្ដីអញ្ជើញរបស់ឧបនាយករដ្ឋមន្រ្តី រដ្ឋមន្រ្តីក្រសួងការ
បរទេសឡាវលោក Thoongloun Sisoulith ឧបនាយករដ្ឋមន្រ្តីនិងជារដ្ឋមន្រ្តីក្រសួងការ
បរទេសវៀតណាមលោក Pham Binh Minh បានទៅបំពេញទស្សនកិច្ចជាផ្លូវការនៅ
ឡាវចាប់ពីថ្ងៃទី៤ដល់ទី៥ ធ្នូ ឆ្នាំ២០១៤។ក្នុងជំនួបចរចារជាមួយលោក Thoongloun
Sisoulith នាថ្ងៃទី៤ ធ្នូ ឧបនាយករដ្ឋមន្រ្តីទាំង២រូបនេះ​ បានអះអាងថា ប្រទេសទាំង
២នឹងសហការយ៉ាងស្អិតរមួតជាមួយប្រទេសជាសមាជិកអាស៊ានផ្សេងៗទៀតដើម្បី
កសាងសហគមន៍អាស៊ានប្រកបដោយជោគជ័យនាឆ្នាំ២០១៥ រួមចំណែកក្នុងសន្តិ
ភាព ស្ថិរភាព និងភាពសម្បូររុងរឿងនៅតំបន់។លោកPham Binh Minh បានអះអាង
ថា វៀតណាមនឹងគាំទ្រឡាវក្នុងឋានៈថ្មីជាប្រធានអាស៊ាននាឆ្នាំ២០១៦។

ក្រសួងការបរទេសនៃប្រទេសទាំង២ចុះហត្ថលេខាលើកិច្ចព្រមព្រៀងសហប្រតិ បតិ្តការ

បន្ទាប់ពីជំនួបចរចារ ភាគីទាំង២បានចុះហត្ថលេខាលើកិច្ចព្រមព្រៀងសហប្រតិ
បតិ្តការរវាងក្រសួងការបរទេសវៀតណាមនិងក្រសួងការបរទេសឡាវក្នុងដំណាក់
កាលឆ្នាំ២០១៤ដល់ឆ្នាំ២០២០។
ក៏ក្នុងថ្ងៃដដែល លោក Pham Binh Minh បានទៅជួបសម្ដែងការគួរសមជាមួយអគ្គ
លេខាបក្សនិងជាប្រធានរដ្ឋឡាវលោក Choummaly Sayasone និងនាយករដ្ឋមន្រ្តី
ឡាវលោក Thongsinh Thammavong។ថ្នាក់ដឹកនាំកំពូលឡាវទាំង២រូបនេះ សុទ្ធតែ
អះអាងថា ឡាវជានិច្ចកាលយកចិត្តទុកដាក់ ពូនជ្រុំសំរាប់ទំនាក់ទំនងមិត្តភាពជា
ប្រពៃណី ចំណងសាមគ្គីភាពពិសេស និងកិច្ចសហប្រតិបតិ្តការលើគ្រប់វិស័យរវាង
ប្រទេសទាំង២។

ឧបនាយករដ្ឋមន្រ្តី Pham Binh Minh និងអគ្គលេខាបក្សនិងជាប្រធានរដ្ឋឡាវលោក Choummaly Sayasone

នារសៀលថ្ងៃនេះដែរ នៅទីស្ដីការក្រសួងការបរទេសឡាវ លោក Pham Binh Minh បានប្រគល់ជូនគ្រឿងឥស្សរយសឯករាជ្យថ្នាក់ទី២​សំរាប់រដ្ឋមន្រ្តីក្រសួងយុត្តិធម៌
ឡាវលោក Bounkeuth Sangsomsack (ជាអតីតអនុរដ្ឋមន្រ្តីក្រសួងការបរទេសឡាវ)
គ្រឿងឥស្សរយសពលកម្មថ្នាក់ទី៣ និងគ្រឿងឥស្សរយសមិត្តភាពសំរាប់អង្គភាព
មួយចំនួននៃក្រសួងការបរទេសឡាវដោយមានសមិទ្ធិឆ្នើមក្នុងការបង្កើនទំនាក់
ទំនងសាមគ្គីភាពពិសេសវៀតណាម-ឡាវ៕                                
                                           Quoc Khanh អ្នកយកព័ត៏មានរបស់VOVប្រចាំនៅឡាវ