គណៈកម្មាធិការអាស៊ាននៅទីក្រុងវ៉ាស៊ីនតោនបានបើកកិច្ចប្រជុំលើកដំបូងសម្រាប់ឆ្នាំ ២០២០

នៅទីនេះ បណ្តាឯកអគ្គរដ្ឋទូតនៃសមាគមប្រជាជាតិអាស៊ីអាគ្នេយ៍ (អាស៊ាន) បានអបអរសាទរវៀតណាមដែលបានរៀបចំប្រកបដោយជោគជ័យនូវកិច្ចប្រជុំចង្អៀតរដ្ឋមន្រ្តីការបរទេសអាស៊ានព្រមទាំងបានវាយតម្លៃខ្ពស់ចំពោះតួនាទីជាប្រធានអាស៊ានរបស់វៀតណាមក្នុងការលើកកម្ពស់គំនិតផ្តួចផ្តើមនិងកិច្ចខិតខំប្រឹងប្រែងរួមគ្នាដើម្បីដោះស្រាយបញ្ហាអន្តរជាតិនិងតំបន់ ជាពិសេស ដើម្បីឆ្លើយតបទៅនឹងការផ្ទុះឡើងនៃ COVID-19។

ឯកអគ្គរដ្ឋទូតលោក Ha Kim Ngoc និងឯកអគ្គរដ្ឋទូតអាស៊ាននានា បានផ្លាស់ប្តូរព័ត៌មានអំពីការរៀបចំសម្រាប់កិច្ចប្រជុំកំពូលពិសេសអាមេរិក - អាស៊ាន ដែលបានប្រារព្ធឡើងនៅទីក្រុង Las Vegas នាពាក់កណ្តាលខែមីនាខាងមុខ ក៏ដូចជា ស្នើអោយឡាវ ជាប្រទេសសម្របសម្រួលទំនាក់ទំនងអាស៊ាន - អាមេរិក បន្តរក្សាយន្តការទំនាក់ទំនងជិតស្និទ្ធជាមួយសហរដ្ឋអាមេរិក ដើម្បីធានាការទទួលបដិសណ្ឋារកិច្ចភ្ញៀវ ការដឹកជញ្ជូននិងខ្លឹមសារចូលរួមរបស់គណៈប្រតិភូផងដែរ។

ក្នុងឱកាសនេះ គណៈកម្មាធិការអាស៊ានប្រចាំទីក្រុងវ៉ាស៊ីនតោនបានជួបពិភាក្សាការងារជាមួយអនុប្រធានស្តីទីការិយាល័យពាណិជ្ជកម្មអន្តរជាតិនៃក្រសួងពាណិជ្ជកម្មសហរដ្ឋអាមេរិកលោកស្រី Diane Farrell និងឧបការីរងស្តីទីក្រសួងពាណិជ្ជកម្មទទួលបន្ទុកបញ្ហាដែលទាក់ទងនឹងអាស៊ី លោកស្រី Laurie Frris។ ក្នុងជំនូបនេះ លោកស្រី Diane Farrell បានបញ្ជាក់ថា រដ្ឋាភិបាលអាមេរិកមានបំណងចង់រក្សាទំនាក់ទំនងសេដ្ឋកិច្ចនិងពាណិជ្ជកម្មដោយស្មើភាពនិងបើកចំហជាមួយបណ្តាប្រទេស ដើម្បីការអភិវឌ្ឍនិងវិបុលភាពរួមនៅក្នុងតំបន់។ ម្យ៉ាងវិញទៀត ក្រសួងពាណិជ្ជកម្មអាមេរិកចង់ជំរុញកិច្ចសហប្រតិបត្តិការជាមួយអាស៊ានលើការកសាងបណ្តាញទីក្រុងឆ្លាតវៃ ដោយសុខដុមនីយកម្មនូវស្តង់ដារទំនិញដែលនាំចេញពីអាស៊ានទៅកាន់ទីផ្សារសហរដ្ឋអាមេរិក និងបង្កើនការវិនិយោគរបស់អាស៊ានទៅកាន់សហរដ្ឋអាមេរិកផងដែរ៕