ជាមួយនឹងលទ្ធផលនេះគេរំពឹងថានៅថ្ងៃទី ២៧ ខែមេសា ក្រុមអ្នកស្រាវ ជ្រាវនឹងធ្វើរបាយការណ៍ជូនទៅក្រុមប្រឹក្សាក្រមសីលធម៌ជីវសាស្ត្រនៃក្រសួងសុខាភិបាលវៀតណាម ព្រមទាំងលើកឡើងផែនការដើម្បីអនុវត្តការស្រាវជ្រាវដំណាក់កាលទី ៣ (យោងតាមរបាយការណ៍នឹងចាប់ផ្តើមការធ្វើតេស្ដគ្លិនីកដំណាក់កាល ៣ ចាប់ពីថ្ងៃទី ៥ខែឧសភា)។ វ៉ាក់សាំង NanoCovax គឺជាវ៉ាក់សាំងមួយក្នុងចំណោមវ៉ាក់សាំងបង្ការជំងឺកូវីដ១៩ក្នុងប្រទេស ដែលត្រូវបានអភិវឌ្ឍន៍ដោយក្រុមហ៊ុនផលិតវ៉ាក់សាំងវៀតណាម ហើយនេះគឺជាវ៉ាក់សាំងដែលបានដាក់ឲ្យប្រើប្រាស់យ៉ាងឆាប់រហ័សបំផុត។ វ៉ាក់សាំងចំនួនពីរប្រភេទផ្សេងទៀត រួមមានវ៉ាក់សាំង Covivax ទើបតែបានបញ្ចប់ការចាក់សាកល្បង។

ទាក់ទងនឹងស្ថានភាពនៃជំងឺរាតត្បាតនេះ យោងតាមព័ត៌មានព្រឹកថ្ងៃទី ២៦ ខែមេសារបស់ក្រសួងសុខាភិបាលបានឱ្យដឹងថា ចាប់ពីម៉ោង ១៨៖០០ ថ្ងៃទី ២៥ ខែមេសា ដល់ម៉ោង ៦៖០០ ថ្ងៃទី ២៦ ខែមេសា ប្រទេសវៀតណាមបានកត់ត្រាករណីឆ្លងជំងឺកូវីដ១៩ ចំនួន ៣ ករណីថែមទៀតនៅទីក្រុង Da Nang - Quang Nam ដែលត្រូវបានដាក់នៅដាច់ដោយឡែកភ្លាមៗនៅពេលចូលមកក្នុងប្រទេស។ ករណីនេះជាពលរដ្ឋវៀតណាមពីបរទេស វិលត្រឡប់មកស្រុកកំណើតវិញ។ រហូតមកដល់ពេលនេះ វៀតណាមបានព្យាបាលអ្នកជំងឺ១៩ចំនួន ២.៥១៦ / ២.៨៤៦ នាក់ ហើយមាន ៣៥ នាក់បានស្លាប់៕