COP-21 មិនទាន់ទទួលបានការស្រុះចិត្តគំនិតរួមអំពីសិទ្ធិ ប្រយោជន៍និងកាតព្វកិច្ចមុនពេលសម្រេច
HUYEN -
(VOV) /
(VOV)_សន្និសីទ អនុសញ្ញា អង្គការសហប្រជាជាតិ ស្ដីអំពីបំរ៉ែបំរូលអាកាស
ធាតុ(COP-21) កំពុងប្រព្រឹត្តទៅនៅទីក្រុងបារីស (ប៉ារាំង) ចាប់តាំងពីថ្ងៃទី៣០វិច្ឆិកា
ដែលកំពុងឈានដល់ដំណាក់កាលចុងក្រោយ។ ទោះបីជាទទួលបានសញ្ញាសកម្ម
ជាច្រើនក្តី ប៉ុន្តែ ប្រទេសចំនួន១៩៥ ក៏ត្រូវឆ្លងផុតការលំបាកដែលទាក់ទិនដល់ផល
ប្រយោជន៍របស់ខ្លួន ដើម្បីទទួលអោយបានកិច្ចព្រមព្រៀងសកលរួមមួយ នាថ្ងៃទី
១១ ធ្នូ។
 |
| COP-21 មិនទាន់ទទួលបានការស្រុះចិត្តគំនិតរួមអំពីសិទ្ធិ ប្រយោជន៍និងកាតព្វកិច្ចមុនពេលសម្រេច |
ក្រោយពីធ្វើការរយៈពេល៩ថ្ងៃកន្លងមក សន្និសីទនេះបានមានសញ្ញាសកម្មជា
ច្រើន។ ជាង១៩៥ប្រទេសបានឯកភាពអនុម័តលើសេចក្ដីព្រាងកាត់បន្ថយបរិមាណ
ឧស្ម័ន CO2 ក្រោយរយៈពេល៤ឆ្នាំ ដែលបានលើកឡើងននៅសន្និសីទ COP-17 នៅ
អាហ្វ្រីកខាងត្បូង។ ប៉ុន្តែសេចក្ដីព្រាងនេះក៏មិនធានាថានឹងទទួលបានអនាគតភ្លឺ
ស្វាងទេ ប្រសិនបើក្នុងថ្ងៃធ្វើការចុងក្រោយនេះ បណ្ដាប្រទេសមិនអាចកសាងបាន
កិច្ចព្រមព្រៀងមួយមានចរិតលក្ខណះគតិយុត្តិយូរអង្វេង។
បញ្ហាលេចធ្លោ
តាមសេចក្ដីព្រាងនេះបានកំណត់ថា៖កំណើនសីតុល្ហភាពដែនដីត្រូវនៅក្រោមកំរិត
20C បើប្រៀបនឹងដំណាក់កាលមុនធ្វើឧស្សាហកម្ម។ ប្រការសំខាន់គឺធ្វើយ៉ាងមេច
ដើម្បីប្រទេសទាំងឡាយត្រូវអនុវត្តតាម។ ហើយប្រការសំខាន់មួយទៀត គឺត្រូវធ្វើ
យ៉ាងម៉េចដើម្បីប្រទេសទាំង១៩៥ អនុវត្តន៍ប្រកបដោយសមភាព។
ការខ្វែងគំនិតធំៗដែលកើតមានឡើងនៅសន្និសីទលើកនេះ ក៏ដូចជាសន្និ
សីទផ្សេងៗស្ដីអំពីបំរ៉ែបំរួលអាកាសធាតុដោយអង្គការសហប្រជាជាតិរៀបចំឡើង
ចាប់ពីឆ្នាំ ១៩៩៥មក នោះគឺការខ្វែងគំនិតអំពីសិទ្ធិ ផលប្រយោជន៍ និងកាតព្វកិច្ច
របស់ប្រទេសមាន និងប្រទេសក្រីក្រ ដែលរហូតមកដល់នាបច្ចុប្បន្ននៅមិនទាន់
ទទួលបានលទ្ធផលអ្វី។ កាតព្វកិច្ចផ្តល់ហិរញ្ញវត្ថុរបស់ប្រទេសនានា បញ្ហាជួយ
ឧបត្ថម្ភប្រទេសក្រីក្រទប់ទល់នឹងបំរ៉ែបំរួលអាកាសធាតុ…ជានិច្ចកាលជាប្រធាន
បទដែលបង្កការវែកញេកជោជែក។
មិនអាចយឺតយ៉ាវទៀតបានទេ
ពិភពលោកកំពុងនៅក្នុងដំណាក់កាលកែលំអរ និងកាត់បន្ថយជាអតិបរិមា
សីតុល្ហភាពជាមធ្យមរបស់ភពដែនដីមិនបានកើនហួស ២oC ។ បណ្ដាអ្នកវិទ្យា
សាស្ត្របានអះអាងថា៖ ប្រសិនបើមិនអាចម្ចាស់ការបានកំរិតសីតុណ្ហាភាពនេះ
ទេ ផែនដីនឹងធ្លាក់ចូលក្នុងដំណាក់កាលគ្រោះមហន្តរាយយ៉ាងធ្ងន់ធ្ងរ។ អង្គការ
សុខភាពពិភពលោកបានប៉ាន់ស្មានថា៖ បំរ៉ែបំរួលជាមូលហេតុបណ្ដាលអោយ
មនុស្សចំនួន១៤ហ្មឺននាក់ត្រូវស្លាប់ក្នុងមួយឆ្នាំ ហើយបរិមាណនេះអាចកើន
ឡើងទ្វេដងក្នុងរយៈពេល៣០ឆ្នាំខាងមុខនេះ។ ក្នុងពេលជាមួយគ្នានោះ ធន
គារពិភពលោក បានប៉ាន់ស្មានថា៖ ពិភពលោកក្តៅឡើងៗ នឹងធ្វើអោយមនុស្ស
ចំនួន១០០លាននាក់ ត្រូវធ្លាក់ចូលក្នុងស្ថានភាពលំបាក ខ្វះស្បៀងអាហារ ថ្នាំ
សង្កូវ និងសម្ភារះប្រចាំថ្ងៃ មុននឹងឆ្នាំ ២០៣០។
សម្រេចជោគវាសនារបស់មនុស្សលោក
ទ្រង់ទ្រាយនិងកម្លាំងបំផ្លាញនៃបំរ៉ែបំរួលអាកាសធាតុ ជាបញ្ហាមិនអាច
ព្យាករណ៍មុនបាន ហើយប្រទេសនានាសុទ្ធតែយល់ដឹងច្បាស់អំពីបញ្ហានេះ។
ប៉ុន្តែដើម្បីប្រែក្លាយទៅជាសកម្មភាព ទើបជាបញ្ហាសំខាន់ គួរអោយយកមកពិ
ភាក្សា។ បញ្ហានេះក៏ត្រូវបានសន្និសីទ COP មុននេះបានយកមកពិភាក្សារួចមក
ហើយហើយ។ ប៉ុន្តែសេចក្ដីបំណងប្រាថ្នាក្នុងសន្និសីទទាំងនេះសុទ្ធតែធ្លាក់ចូល
ក្នុងភាពទាន់ច្រក់។ ដូច្នេះ សេចក្ដីសង្ឃឹមទាំងឡាយកំពុងប្រមូលផ្តុំទៅលើសន្និ
សីទលើកនេះ។ ជាការពិតណាស់ថា បប្រទេសនានាកំពុងជួបប្រទះបញ្ហាស្មុគ្រ
ស្មាញជាច្រើន ដូចជា៖ ភេរវកម្ម អន្តោប្រវេសន៍ សង្គ្រាម…លៗ ប៉ុន្តែសហគម
ន៍អន្តរជាតិសង្ឃឹមថា៖សន្និសីទ COP 21 លើកនេះមិនត្រឹមតែមានចរិតលក្ខណះ
ការទូតតែប៉ុណ្ណោះទេ ហើយវាថែមទាំងជាការប្តេជ្ញាចិត្តជាក់ស្ដែងរួមជាមួយវិ
ធានការដុះស្រាយរបស់ប្រទេសនានាដើម្បីសម្រេចជោគវាសនារបស់មនុស្ស
លោកទៀតផង៕
HUYEN
-VOV