ទំនាក់ទំនងមិត្តភាពជាប្រពៃណីរវាងវៀតណាមនិងឡាវត្រូវបានលោកប្រធានហូជីមិញនិង លោកប្រធាន Kayson Phomvihan ដាក់គ្រឹះស្ថាន។

         VOV-“ក្នុងប្រវត្តិសាស្ត្របដិវត្តពិភពលោកបានមានគំរូភ្លឺចិញ្ចាចជាច្រើន
អំពីស្មារតីអធុន​អន្តរជាតិ ប៉ុន្តែគ្មានទីណានិងគ្មានពេលណាបានមានសាមគ្គី
ភាពសម្ព័ន្ធភាព​ប្រយុទ្ធ​ពិសេសដ៏យូរអង្វែងនិងលើគ្រប់វិស័យដូច្នេះឡើយ”។
នោះគឺការអះអាង​របស់​ប្រធាន Kayson Phomvihan ពេលនិយាយអំពីទំនាក់
ទំនង​វៀត​ណាម-ឡាវ​ជាទំនាក់ទំនងរវាងសមាមិត្តរួមសុខរួមទុក្ខដណ្ដើមបាន ជ័យជំនះជាជំហានៗនិងឈានទៅដល់ជ័យជំនះចុងក្រោយ។ ក្រោយពីពេល​វៀតណាមសំរេចបុព្វហេតុឯកភាពប្រទេសជាតិនិង សាធារណធរដ្ឋ ប្រជាធិបតេយ្យប្រជាមានិតឡាវបានបង្កើតនាឆ្នាំ​១៩៧៥ ទំនាក់ទំនងរវាង វៀតណាមនិងឡាវបានផ្ទេរទៅដំណាក់កាលថ្មី។ នោះគឺទំនាក់ទំនងមិត្តភាព សាមគ្គីភាពពិសេសនិងកិច្ចសហប្រតិបត្តិការលើគ្រប់​វិស័យរវាងបក្សទាំងពីរ និងរដ្ឋទាំងពីរដោយភ័ស្តុតាងដ៏រស់រវើសគឺសន្ធិសញ្ញា​មិត្តភាពនិងកិច្ច
សហប្រតិបត្តិការវៀតណាម-ឡាវដែលត្រូវបានចុះហត្ថលេខា​នាថ្ងៃទី​១៨
កក្កដាឆ្នាំ១៩៧៧។ ឆ្លើយសម្ភាសអ្នកយកព័ត៌មាននៃវិទ្យុសំលេងវៀត​ណាម​
ប្រចាំនៅវៀងច័ន្ទ អគ្គលេខានិងជាប្រធានរដ្ឋឡាវ​Chumaly Sayason បានអះ
អាង​ជាថ្មីម្ដងទៀតថា​ ការតភ្ជាប់រវាងឡាវនិងវៀតណាមជាការតភ្ជាប់ពិសេស
និងជាទំនាក់​ទំនងយ៉ាងស្អិតរមួត។

“យើងត្រូវចាត់ទុកថាទំនាក់ទំនងនោះបានបង្ហាញលើគ្រប់វិស័យ និងវាកាន់
តែ​លេចធ្លោក្នុងទំនាក់ទំនងក្នុងដំបន់និងឆាកអន្តរជាតិនៅដំណាក់កាលថ្មី។
ប្រទេស​យើងទាំងពីរត្រូវរួមគ្នាអភិវឌ្ឍន៍។ ប្រទេសយើងទាំងពីរជាប្រទេស
ជិតខាងមាន​ព្រំដែន​រួមនិងមានប្រពៃណីសាមគ្គីភាពយូរអង្វែងដែលលោក​ប្រធានហូជីមិញនិងប្រធាន Kayson Phomvihan បានកសាងនិងពូនជ្រុំ។”

សន្ធិសញ្ញាមិត្តភាពនិងកិច្ចសហប្រតិបត្តិការដែលត្រូវបានប្រទេសទាំងពីរចុះ​ហត្ថលេខានាឆ្នាំ១៩៧៧។ នោះគឺដំណាក់កាលដែលបដិវត្តវិទ្យាសាស្ត្រ
បច្ចេកវិទ្យាកំពុង​បានប្រព្រឹត្តទៅយ៉ាងខ្លាំងក្លាលើពិភពលោក។ សន្ធិសញ្ញាជា
មូលដ្ឋានដើម្បី​ប្រទេស​ទាំងពីរបើកទូលាយទំនាក់ទំនងលើគ្រប់វិស័យ ពី
នយោបាយ ការពារ​ជាតិសន្តិសុខ កិច្ចការបរទេសដល់សេដ្ឋកិច្ចពាណិជ្ជកម្ម
វិនិយោគអប់រំ-បណ្ដុះ​បណ្ដាលនិងការពារសណ្ដាប់ធ្នាប់នៅដំបន់ព្រំដែននៃ
ប្រទេសទាំងពីរ។​ភាគីទាំងពីរ​ក៏ផ្លាស់ប្តូរបទពិសោធន៍សហការសកម្មភាពក្នុង ក្របខ័ណ្ឌអង្គការសហប្រជាជាតិ អាស៊ានក៏ដូចជាក្នុងក្របខ័ណ្ឌប្រទេសទាំងបី
វៀតណាម-ឡាវនិងកម្ពុជា។ ក្នុង​រយៈ​ពេល៣៥ឆ្នាំកន្លងទៅ កិច្ចសហប្រតិបត្តិកា រសេដ្ឋកិច្ចជានិច្ចកាលដើរ​តួនាទីសំខាន់ជួរមុខ។ គិតមកដល់ខែឧសភាឆ្នាំ២០១២ វៀតណាមជាប្រទេស​មួយក្នុងចំណោមប្រទេសនាំមុខចំនួន៣ដែលវិនិយោគនៅ
ឡាវ ជាមួយចំនួនទុន​វិនិយោគ​ជាទឹកប្រាក់សរុបគឺ៣ពាន់៤៥០លានដុល្លា
អាមេរិក។ លោក Ta Minh Chau ឯកអគ្គរដ្ឋទូតវៀតណាមប្រចាំនៅឡាវបានឲ្យ
ដឹងថា៖

“ការវិនិយោគរបស់បណ្ដាអង្គភាពអាជីវកម្មវៀតណាមនៅប្រទេសឡាវប្រមូលផ្ដុំ
ទៅលើបណ្ដាវិស័យដែលឡាវមានឧត្តមភាពដូចជា​កសិកម្ម-រុក្ខាកម្ម ពិសេសគឺ​ឧស្សាហកម្មកែច្នៃគ្រឿងឈើ។​ម៉្យាងទៀត វិស័យហិរញ្ញវត្ថុ-ធនាគារក៏បង្ហាញការ​អភិវឌ្ឍន៍គួរឲ្យកត់សម្គាល់ដោយមានវត្តមានរបស់ធនាគារធំៗចំនួន៣របស់វៀត​
ណាមនៅឡាវ។ ទូរគមនាគមន៍ប្រៃសណីទោះបីសហប្រតិបត្តិការយឹតជាងប៉ុន្តែ​នៅមានកន្លែងឈរយ៉ាងពិតប្រាកដនៅឡាវ។ គំរូគឺអង្គភាពអាជីវកម្ម
ទូរគមនាគមន៍ Viettel។”

សប្ដាហ៍វប្បធម៍ឡាវនៅវៀតណាម

ឆ្នាំ២០១២ជាឆ្នាំពិសេសក្នុងទំនាក់ទំនងវៀតណាម-ឡាវ ​កត់សម្គាល់រយៈ​ពេល ៥០ឆ្នាំបង្កើតទំនាក់ទំនងការទូតនិងលើកទី៣៥ទិវាចុះហត្ថលេខាលើសន្ធិ​សញ្ញាមិត្តភាពនិងកិច្ចសហប្រតិបត្តិការ។​ សកម្មភាពមិត្តភាពជាច្រើនបានកំពុង
នឹង​ប្រព្រឹត្តទៅនៅប្រទេសទាំងពីរ។ ក្នុងបណ្ដាជំនួបសន្ទនាជាន់ខ្ពស់ ភាគីទាំង
ពីរ​សុទ្ធតែអះអាងថានឹងផ្តោតនិងលៃទុកអាទិភាពគ្រប់បែបយ៉ាងឲ្យការពង្រឹង និងពង្រីកទំនាក់ទំនងមិត្តភាពប្រពៃណីសាមគ្គីភាពពិសេសកិច្ចសហប្រតិបត្តិការ
លើគ្រប់​វិស័យវៀតណាម-ឡាវ ព្រមទាំងចាត់ទុកនេះជាទ្រពសម្ប័ត្តិមិនអាចកាត់ ថ្លៃបានដែលត្រូវរក្សា​និងបន្សល់ទុកឲ្យជំនាន់គ្រោយៗ។​នៅសន្និសីទទំនាក់ទំនង
សហប្រតិបត្តិការ​រដ្ឋ​សភាវៀតណាម-ឡាវដែលប្រព្រឹត្តទៅនៅខេត្ត Son La របស់
វៀតណាមនាខែ​មេសាកន្លងទៅ ប្រធានរដ្ឋសភាឡាវ Pany Yathoutu បានសង្កត់ធ្ងន់
ថា៖

“ទោះបីស្ថានភាពអន្តរជាតិនិងក្នុងដំបន់បានប្រព្រឹត្តទៅយ៉ាងស្មុគស្មាញ លឿនក្តី ប៉ុន្តែចំណងសាមគ្គីភាពពិសេសនិងកិច្ចសហប្រតិបត្តិការលើគ្រប់វិស័យឡាវ-វៀតណាមនោបន្តបានពូនជ្រុំនិងអភិវឌ្ឍន៍លើគ្រប់វិស័យ​ ស៊ិជម្រៅដើម្បីភាព​សម្បូរ​រុងរឿងនៃប្រជាជាតិទាំងពីរ។​យើងខ្ញុំសន្យានឹងរួមជាមួយសមាមិត្ត​វៀត​ណាមបន្ត ការពារនិងពូនជ្រុំទំនាក់ទំនងដ៏មហិមារចំណងសាមគ្គីភាពពិសេសកិច្ច
សហប្រតិបត្តិការលើគ្រប់វិស័យរបស់បក្សទាំងពីរ រដ្ឋទាំងពីរនិងប្រជាជននៃ​ប្រទេស
​ទាំងពីរឡាវ-វៀតណាមចីរភាពជាអមាតៈ។”

ធ្វើឲ្យជ្រាលជ្រៅបន្ថែមឲ្យទំនាក់ទំនងវៀតណាម-ឡាវដោយសកម្មភាព​
សហប្រតិបត្តិការជាក់ស្ដែង នោះគឺរបៀបដែលរដ្ឋទាំងពីរបានជ្រើសរើសក្នុងរយៈ​ពេល៥០ឆ្នាំកន្លងទៅគិតតាំងពីពេលបង្កើតទំនាក់ទំនងការទូតនិងលើកទី៣៥ទិវា
ចុះហត្ថលេខាលើសន្ធិសញ្ញាមិត្តភាពនិងសហប្រតិបត្តិការ៕