 |
| ប្រធានាធិបតីម៉ុងហ្គោលីលោក Tsakhiagin Elbegdorj (Internet) |
Vovworld-ម៉ុងហ្គោលីស្ថិតនៅនៅដំបន់អាស៊ីកណ្ដាល។ សេដ្ឋកិច្ចរបស់
ម៉ុងហ្គោលីភាគច្រើនផ្អែកទៅលើផ្នែកអាជីវកម្មផលរ៉ែនិងចិញ្ចឹមសត្វ។ ម៉ុងហ្គោលី
ជាប្រទេសមួយក្នុងចំណោមប្រទេសចំនួន១០មានប្រភពរ៉ែច្រើនបំផុតលើពិភព
លោកនិងផ្នែកឧស្សាហកម្មសំខាន់គឺផ្នែកធ្វើអាជីវកម្មផលរ៉ែ។ ល្បឿនកំណើន
សេដ្ឋកិច្ចក្នុងប៉ុន្មានឆ្នាំកន្លងមកជានិច្ចកាលរក្សានៅលេខ២ខ្ទង់។ ចំណូលគិតជា
មធ្យមតាមមនុស្សម្នាក់ក្នុងឆ្នាំ២០១២គឺជាង៣៥០០ដុល្លារអាមេរិក។ នាបច្ចុប្បន្ន ម៉ុងហ្គោលីមានទំនាក់ទំនងពាណិជ្ជកម្មជាមួយប្រទេសនិងដំបន់ដែនដីចំនួន១២០។
គ្រឹះស្ថានទំនាក់ទំនងមិត្តភាពជាប្រពៃណីដ៏ល្អប្រសើរ
ការដែលវៀតណាមនិងម៉ុងហ្គោលីបានបង្កើតទំនាក់ទំនងការទូតនាថ្ងៃទី១៧
វិច្ឆិកាឆ្នាំ១៩៥៤បាន គូសសញ្ញាសម្គាល់ដ៏សំខាន់ក្នុងប្រវត្តិសាស្ត្រទំនាក់ទំនងរវាង
ប្រទេសទាំងពីរ។ ដំណើរទស្សនកិច្ចជាផ្លូវការនៅម៉ុងហ្គោលីនាខែកក្កដាឆ្នាំ១៩៥៥
របស់គណៈប្រតិភូជាន់ខ្ពស់បក្សនិងរដ្ឋាភិបាលវៀតណាមដឹកនាំដោយលោក
ប្រធានហូជីមិញនិងដំណើរទស្សនកិច្ចនៅវៀតណាមរបស់លេខាទីមួយមជ្ឈឹមគណ
បក្សប្រជាជនបដិវត្តន៍ម៉ុងហ្គោលីនិងជាប្រធានគណៈរដ្ឋមន្ត្រី Iu Sedenban នាខែ
កញ្ញាឆ្នាំ១៩៥៩បានកសាងគ្រឹៈស្ថានមាំមួនសំរាប់ទំនាក់ទំនងមិត្តភាពរវាងប្រទេស
ទាំងពីរ។
ក្នុងអំឡុង៦០ឆ្នាំកន្លងមក វៀតណាមនិងម៉ុងហ្គោលីជានិច្ចកាលគាំទ្រនិងសហការយ៉ាងជិតស្និទ្ធជាមួយគ្នាលើផ្លូវកសាងនិងអភិវឌ្ឍន៍ប្រទេសជាតិ។ម៉ុងហ្គោលីបានសកម្មគាំទ្រប្រជាជនវៀតណាមក្នុងដំណាក់កាលដំណើរការតស៊ូ
ប្រឆាំងចក្រពត្តិអាមេរិក។ កាលពីឆ្នាំ១៩៥៦ដល់ឆ្នាំ១៩៩០ ជំនួយរដ្ឋាភិបាលសរុប
របស់ម៉ុងហ្គោលីសមរាប់វៀតណាមប្រមាណជាង២សែនដុល្លារអាមេរិក។
ម៉ុងហ្គោលីបានជួយវៀតណាមបណ្ដុះបណ្ដាលកម្មាភិបាលវិទ្យាសាស្ត្របច្ចេកទេស
ជាង១០០នាក់។ ឆ្លើយតបនឹងមនោសញ្ចេតនានោះ ប្រជាជនវៀតណាមបានសកម្ម
ជួយឧបត្ថម្ភក្រោមរបៀបជាច្រើនដូចជាបញ្ជូនអ្នកជំនាញការទៅជួយម៉ុងហ្គោលី
ពិនិត្យនិងអភិវឌ្ឍន៍គមនាគមន៍ ដាំដុះ ស្ដាកេរ៌្តដំណែលប្រវត្តិសាស្ត្រជាដើម។
បង្កើនកិច្ចសហប្រតិបត្តិការក្នុងដំណាក់កាលថ្មី
នាពេលកន្លងមក បណ្ដាដំណើរទស្សនកិច្ចនិងការជួបសន្ទនារវាងថ្នាក់ដឹកនាំជាន់ខ្ពស់នៃប្រទេសទាំងពីររក្សាបានតទៅទៀត។ ការជួបប្រាស្រ័យរវាងក្រសួង
ផ្នែកបានប្រព្រឹត្តទៅជារឿយៗ កិច្ចសហប្រតិបត្តិការក្នុងវិស័យសន្តិសុខការពារជាតិ
មានការវឌ្ឍន៍ភាពជាច្រើន។ ម៉ុងហ្គោលីជានិច្ចកាលគោរពទំនាក់ទំនងមិត្តភាពជាប្រពៃណីជាមួយវៀតណាម ព្រមទាំងចាត់ទុកវៀតណាមជាដៃគូរសំខាន់មួយក្នុង
ចំណោមដៃគូរសំខាន់នៅដំបន់អាស៊ី-ប៉ាស៊ីហ្វិក។
នាខែធ្នូឆ្នាំ២០១២ វៀតណាមនិងម៉ុងហ្គោលីបានទទួលស្គាល់គ្នាទៅវិញទៅមក
បែបបទសេដ្ឋកិច្ចទីផ្សារពេញលេញ។ ប៉ុន្តែទំនាក់ទំនងសហប្រតិបត្តិការសេដ្ឋកិច្ច
រវាងវៀតណាមនិងម៉ុងហ្គោលីមិនទាន់អភិវឌ្ឍន៍ដូចបំណងឡើយ។ ពាណិជ្ជកម្មទ្វេ
ភាគីនៅរក្សានៅកំរិតទាប តំលៃប្រាក់ពាណិជ្ជកម្មទ្វេភាគីឆ្នាំ២០១២ទទួលបាន១៦,៣
លានដុល្លារអាមេរិក(ថយចុះ២,៥លានដុល្លារអាមេរិកបើប្រៀបនឹងឆ្នាំ២០១១)។ ភាគី
ទាំងពីរនៅរក្សាយន្តការគណៈកម្មាធិការអន្តររដ្ឋាភិបាលវៀតណាម-ម៉ុងហ្គោលីនិងសម័យប្រជុំលើកទី១៥ទើបនឹងបានរៀបចំឡើងនាខែមិនាឆ្នាំ២០១៣នៅទីក្រុង
ហាណូយ។
អំពីកិច្ចសហប្រតិបត្តិការអប់រំ ភាគីទាំងពីរបានចុះហត្ថលេខាលើកិច្ចព្រមព្រៀងអំពីសហប្រតិបត្តិការអប់រំដំណាក់កាល២០១៣-២០១៦ តាមនោះជាប្រចាំឆ្នាំវៀត
ណាមទទួលបណ្ដុះបណ្ដាលស្សិតម៉ុងហ្គោលីចំនួន១៥នាក់និងម៉ុងហ្គោលីបណ្ដុះ
បណ្ដាលឲ្យនិស្សិតវៀតណាមចំនួន៥នាក់។ ប្រទេសទាំងពីរក៏បានសហប្រតិបត្តិ
ការល្អនៅបណ្ដាវេទិការរបស់អង្គការសហប្រជាជាតិ។
ក្នុងកិច្ចការកសាងអភិវឌ្ឍន៍ប្រទេសជាតិ សមាហរណកម្មដំបន់និងអន្តរជាតិនា
បច្ចុប្បន្ន វៀតណាមនិងម៉ុងហ្គោលីបន្តជួយឧបត្ថម្ភគ្នាទៅវិញទៅមកលើបណ្ដាវិស័យ។ ដំណើរទស្សនកិច្ចនៅវៀតណាមរបស់ប្រធានាធិបតីម៉ុងហ្គោលី Tsakhiagin Elbegdorja លើកនេះគឺសំដៅលាតត្រដាងអនុវត្តគោលនយោបាយកិច្ចការបរទេសរបស់ម៉ុងហ្គោលី
ចំពោះដំបន់អាស៊ី-ប៉ាស៊ីហ្វិកបើកទូលាយទំនាក់ទំនងជាមួយបណ្ដាប្រទេសអាស៊ាន ក្នុងនោះមានវៀតណាមផង ទន្ទឹមនឹងនោះនាំទំនាក់ទំនងវៀតណាម-ម៉ុងហ្គោលី
អភិវឌ្ឍន៍ស៊ីជម្រៅក្នុងរយៈពេលខាងមុខ៕