 |
| ប្រធានរដ្ឋចិនលោក Xi Jinping ទៅបំពេញទស្សនកិច្ចនៅកូរ៉េខាងត្បូង (រូបថត អិនធឺណែត) |
Vovworld-នេះជាលើកទី៣ហើយដែលលោក Xi Jinping បានទៅកាន់ Seoul
ប៉ុន្តែនេះជាដំណើរទស្សនកិច្ចដំបូងរបស់លោកក្នុងឋានៈជាប្រមុខរដ្ឋ។ ទោះបីជា
តាមការប្រកាសមុននឹងដំណើរទស្សនកិច្ចថា ជាការឆ្លើយតបនឹងដំណើរទស្សន
កិច្ចនៅប្រទេសចិនរបស់ប្រធានាធិបតីកូរ៉េខាងត្បូងលោកស្រី Park Geun-hye នាខែ
មិថុនាឆ្នាំ២០១៣ក្តី ប៉ុន្តែការដែលថ្នាក់ដឹកនាំកំពូលរបស់ចិនបានទៅបំពេញទស្សន
កិច្ចនៅ Seoul មុននឹងព្យុងយ៉ាងបានសឲ្យឃើញថាប៉េកាំងកំពុងមានការផ្លាស់ប្តូរ
ជាសារវន្តអំពីគោលមាគ៌ាការទូត។
មើលស្រាលទៅលើព្យុងយ៉ាង គោរព Seoul
សេចក្តីសំរេចចិត្តជ្រើសរើសកូរ៉េខាងត្បូង មិនមែនជាព្យុងយ៉ាងដើម្បីមកបំពេញទស្សនកិច្ចបានឆ្លុះបញ្ចាំងនូវស្នាមប្រេះឆារវាងចិននិងសាធារណៈរដ្ឋប្រជាធិបតេយ្យ
ប្រជាមានិតកូរ៉េនាពេលកន្លងមក។ ក្នុងអំឡុងច្រើនឆ្នាំកន្លងមកលើស្ថានភាពជាក់
ស្ដែង ទោះបីជាសម្ព័ន្ធមិត្តរបស់ចិន ដោយផ្អែកជាច្រើនអំពីសេដ្ឋកិច្ចទៅលើប៉េកាំងក្តី ប៉ុន្តែក្រោមរបបរបស់ថ្នាក់ដឹកនាំ Kim Jong Un ព្យុងយ៉ាងបានបង្កការព្រួយបារម្ភជា
ច្រើនសំរាប់ចិន ចិនត្រូវអន្តរជាតិចាត់ទុកជាសត្រូវខណៈដែលសាធារណៈរដ្ឋ
ប្រជាធិបតេយ្យប្រជាមានិតកូរ៉េបាញ់បង្ហោះកាំជ្រួចនិងសាកល្បងនុយគ្លេអ៊ែ។
ប៉ុន្តែប្រការគួរឲ្យនិយាយនោះគឺខណៈដែលព្យុងយ៉ាងកំពុងមានកាយវិការខិតមកជិតជាមួយតូក្យូ ជាគូរបដិបក្ខរបស់ប៉េកាំងក្នុងដំបន់។ បន្ទាប់ពីវង់ចរចារជាច្រើនស្ដីពីបញ្ហាពលរដ្ឋជប៉ុនត្រូវចាប់ជំរិតក្នុងប៉ុន្មានឆ្នាំ១៩៧០-១៩៨០ ទំនាក់ទំនងរវាងប្រទេសទាំងពីរកំពុងមានការផ្លាស់ប្តូរសកម្មនិងដំណើរទស្សនកិច្ចរបស់
នាយករដ្ឋមន្ត្រីជប៉ុនលោក Shinzo Abe ទៅសាធារណៈរដ្ឋប្រជាធិបតេយ្យប្រជាមានិត
កូរ៉េកំពុងបានរៀបចំផែនការក្នុងឆ្នាំនេះជាសក្ខីភាពដ៏ច្បាស់លាស់ឲ្យការកែលំអរ
នោះ។ ដោយហេតុនេះ ដំណើរទស្សនកិច្ចរបស់លោក Xi Jinping បានបង្ហាញពីការ
អស់សង្ឃឹមរបស់ប៉េកាំងចំពោះព្យុងយ៉ាង។
បង្កើតសម្ព័ន្ធភាពប្រឆាំងជប៉ុន
ក្រៅពីសាធារណៈរដ្ឋប្រជាធិបតេយ្យប្រជាមានិតកូរ៉េ ជប៉ុនក៏ជាគោលដៅទី២
ដែលចិនតម្រង់ទៅលើក្នុងដំណើរទស្សនកិច្ចលើកនេះ។ ខណៈដែលទំនាក់ទំនង
រវាងជប៉ុននិងកូរ៉េខាងត្បូងនៅកំរិតទាបបំផុតនោះ ដំណាក់កាលនេះជាឱកាសមាស
ដើម្បីប៉េកាំងអូសទាញ Seoul បង្កើតសម្ព័ន្ធភាពប្រឆាំងជប៉ុន។
គោលគំនិតអូសទាញកូរ៉េខាងត្បូងរបស់ចិនដ៏ច្បាស់លាស់ បង្ហាញដោយ
ដំណើរទស្សនកិច្ចមុនរបស់រដ្ឋមន្ត្រីការបរទេសចិនលោក Wang Yi ទៅកាន់ Seoul នា
ចុងខែមុន។ ក្នុងដំណើរទស្សនកិច្ចនោះ លោក Wang Yi មិនលាក់លាមគោលគំនិត
ប្រកាសដោយចំហរថាចិននិងកូរ៉េខាងត្បូងត្រូវចាប់ដៃឆ្លងផុតពីក្របខ័ណ្ឌទំនាក់
ទំនងទ្វេភាគីឆ្ពោះទៅទ្វីបអាស៊ីនិងពិភពលោក បង្កើតបរិយាកាសអភិវឌ្ឍន៍រួមធំ
ទូលាយជាងទៀត។
បំផ្លាញភាពឯកកោ
មិនត្រឹមតែបង្កើតសម្ព័ន្ធភាពប្រឆាំងជប៉ុនប៉ុណ្ណោះទេ ដំណើរទស្សនកិច្ចរបស់
លោក Xi Jinping ទៅកាន់កូរ៉េខាងត្បូងនៅតែស្វែងរកការជួយឧបត្ថម្ភពីកូរ៉េខាង
ត្បូងក្នុងកាលៈទេសៈស្ថានភាពនិងការរៀបចំយុទ្ធសាស្ត្រអាស៊ីឦសានកំពុង
មានបំរ៉ែបំរួលស្មុគស្មាញគ្មានផលប្រយោជន៍ចំពោះចិន។ រាល់អំពើរបង្កភាពតានតឹងរបស់ចិននាពេលថ្មីៗនេះអំពីជំលោះអធិបតេយ្យភាពសមុទ្រកោះជាមួយ
ជប៉ុននៅសមុទ្រ Hoa Tung និងបណ្ដាប្រទេសអាស៊ី-អាគ្នេយ៍នៅសមុទ្រខាងកើត
បានជំរុញអាមេរិកជ្រៀតជ្រែកដ៏ស៊ីជម្រៅក្នុងដំបន់។ នាចុងខែមេសាឆ្នាំ២០១៤ ជាលើកដំបូងអាមេរិកប្រកាសបញ្ចូលកោះ Senkaku របស់ជប៉ុនទៅក្នុងភារកិច្ច
ការពាររបស់អាមេរិក ទន្ទឹមនឹងនោះគាំទ្របណ្ដាប្រទេសអាស៊ានក្នុងជំលោះ
សមុទ្រកោះជាមួយចិន។ រាល់កាយវិការនេះបានធ្វើឲ្យចិនឯកកោស្វែងរកការគាំទ្រ
ពីកូរ៉េខាងត្បូង។
ប៉ុន្តែដើម្បីទទួលបានការគាំទ្រជាក់ស្ដែងពី Seoul នោះ សាធារណៈមតិចាត់ទុក
ថា ប៉េកាំងត្រូវចំណាយពេលវេលាជាច្រើនដែលមិនពិតប្រាកដនឹងមកដល់ទីដៅ
ឡើយ ដោយសារទំនាក់ទំនងជិតស្និទ្ធរបស់សម្ព័ន្ធមិត្តអាមេរិក-កូរ៉េខាងត្បូងនា
បច្ចុប្បន្ន។
ប៉ុន្តែមានប្រការច្បាស់លាស់ថា រាល់ទំនាក់ទំនងត្រួតស៊ីគ្នាស្មុគស្មាញក្នុងដំបន់នឹងមានកាយវិការថ្មីបន្ទាប់ពីដំណើរទស្សនកិច្ចលើកនេះ។ ជាច្បាស់ណាស់
ថាប៉េកាំងបាននិងកំពុងមានការបោះជំហានថ្មី ពង្រឹងកំលាំងពលំសំដៅអនុវត្ត
មហិជ្ជតាអនុត្តរភាពក្នុងដំបន់៕