(VOVworld)-ប្រធានាធិបតីសាធារណរដ្ឋ Bolivar វេណេហ្ស៊ុយអេឡាលោក Nicolas
Maduro Moros កំពុងបំពេញទស្សនកិច្ចជាផ្លូវការនៅវៀតណាម ក្នុងរយៈពេលពីរ
ថ្ងៃ។វេណេហ្ស៊ុយអេឡានិងវៀតណាមមានទំនាក់ទំនងប្រពៃណីជិតស្និទ្ធតាំងពី
យូរមកហើយ ដូច្នេះ ដំណើរទស្សនកិច្ចលើកនេះរបស់លោក Nicolas Maduro
Moros បានគូសសញ្ញាបន្ថែមនូវទំនាក់ទំនងល្អប្រសើក្នុងទំនាក់ទំនងនៃប្រទេស
ទាំងពីរ និងនាំទំនាក់ទំនងដៃគូលើគ្រប់វិស័យវាងវៀតណាមជាមួយវេណេ
ហ្ស៊ុយអេឡាឲ្យកាន់តែស៊ីជម្រៅពីមួយថ្ងៃទៅមួយថ្ងៃ។

ប្រធានាធិបតីវេណេហ្ស៊ុយអេឡា Nicolas Maduro Moros (រូបថត៖ TTXVN)

        ស្ថិតនៅតំបន់អាមេរិកភាគខាងត្បូង វេណេហ្ស៊ុយអេឡាបាន បង្កើតទំនាក់
ទំនងការទូតជាមួយវៀតណាមពីខែធ្នូឆ្នាំ១៩៨៩មក។ ដោយមានលក្ខណៈស្រដៀង
គ្នាជា ច្រើន នាំឲ្យវៀតណាមនិងវេណេហ្ស៊ុយអេឡាខិតមកជិតជាមួយគ្នាទាំងក្នុង សម័យសង្គ្រាមក៏ដូចជាសម័យកសាងអភិវឌ្ឍន៍ប្រទេសជាតិ។ វៀតណាមជានិច្ច កាលយកចិត្តទុកដាក់ដល់គោលនយោបាយកំណែទម្រង់សង្គមឆ្ពោះទៅជនក្រីក្រ និងអនុវត្តសមភាពសង្គមរបស់ថ្នាក់ដឹកនាំវេណេហ្ស៊ុយអេឡា។ ហើយបទពិ សោធន៍របស់វៀតណាមក្នុងដំណើការផ្លាស់ប្តូរថ្មីនិងអភិវឌ្ឍន៍សេដ្ឋកិច្ច ក៏ត្រូវបាន វេណេហ្ស៊ុយអេឡាវាយតម្លៃខ្ពស់និងមានបំណងចែករំលែកផងដែរ។

                គ្រឹះស្ថាន២៥ឆ្នាំនៃទំនាក់ទំនងដ៏ល្អប្រសើរ

        តាំងពីពេលបង្កើតទំនាក់ទំនងការទូតជាផ្លូវការកាលពីឆ្នាំ១៩៨៩មក ភាគី ទាំងពីរបានផ្លាស់ប្តូរគណៈប្រតិភូជាន់ខ្ពស់ជាប្រចាំ និងបង្កើតឡើងទំនុកទុកចិត្ត
នយោបាយខ្ពស់។ នាខែឧសភាឆ្នាំ២០០៧ ភាគីទាំងពីរបានព្រមព្រៀងគ្នាបង្កើន
ទំ នាក់ទំនងឡើងកម្រិតទំនាក់ទំនងដៃគូលើគ្រប់វិស័យ។ ឯកអគ្គរដ្ឋទូតវេណេ
ហ្ស៊ុយអេឡាប្រចាំនៅវៀតណាម លោក Jorge Rondon Uzcategui បានអះអាងថា៖

        “ដោយទស្សនវិស័យរបស់ប្រធានាធិបតី Hugo Chavez អំពីគោលនយោ
បាយការទូត វេណេហ្ស៊ុយអេឡាបានចាត់ទុកវៀតណាមជាដៃគូទំនុកទុកចិត្ត ក្នុង ការកសាងនិងអភិវឌ្ឍន៍សេដ្ឋកិច្ចប្រទេសជាតិ និងជាសម្ព័ន្ធមិត្តយុទ្ធសាស្ត្រ ក្នុង
ក្របខ័ណ្ឌអន្តរជាតិ ដើម្បីបង្កើតឡើងចំណងសាមគ្គីភាពនិងក្របខ័ណ្ឌនៃទំនាក់
ទំនង រវាងបណ្តាប្រទេសកំពុងអភិវឌ្ឍន៍(Nam-Nam)ផងដែរ”។

        ដោយឈរលើមូលដ្ឋានទំនុកទុកចិត្តនយោបាយខ្ពស់ដូច្នេះ វៀតណាមនិង វេណេហ្ស៊ុយអេឡាបានអនុវត្តកម្មវិធីសហប្រតិបត្តិការប្រកបដោយប្រសិទ្ធភាពជា
ច្រើន។ អាចនិយាយដល់គំរោងសហប្រតិបត្តិការដូចជា អាជីវកម្មប្រេងឧស្ម័ន
Petro Macareo រវាងអគ្គក្រុមហ៊ុនរុករកប្រេងឧស្ម័ន (PVEP) ចំណុះសម្ព័ន្ធក្រុមហ៊ុន
ប្រេងឧស្ម័នជាតិវៀតណាម (PetroVietnam) ជាមួយអគ្គក្រុមហ៊ុនប្រេងរ៉ែ វេណេ
ហ្ស៊ុយអេឡា (PDVSA) ជាដើម។

        តម្លៃប្រាក់ពាណិជ្ជកម្មទ្វេភាគីរវាងវៀតណាមជាមួយវេណេហ្ស៊ុយអេឡា
រក្សាបានកំណើនល្អ ជាពិសេសក្នុងអំឡុងបីឆ្នាំជិតៗនេះ។ ក្នុងកិច្ចប្រជុំនាខែមិនា
ឆ្នាំនេះ គណៈកម្មាធិការអន្តររដ្ឋាភិបាលនៃប្រទេសទាំងពីរ ក៏បានឯកភាពគ្នា
ជម្រុញ វិនិយោគរបស់វៀតណាមចូលវេណេហ្ស៊ុយអេឡាផងដែរ។
​     នៅលើកម្រិតនៃកិច្ចសហប្រតិបត្តិការពហុភាគី វៀតណាមនិងវេណេហ្ស៊ុយ
អេឡាបានគាំទ្រគ្នាទៅវិញទៅមក។ វេណេហ្ស៊ុយអេឡាបានគាំទ្រវៀតណាម ចូលរួមអង្គការពាណិជ្ជកម្មពិភពលោក (WTO)និងគាំទ្របទបញ្ញត្តិទីផ្សាររបស់
វៀតណាម។ ទន្ទឹមជាមួយគ្នានោះ វៀតណាមក៏យកចិត្តទុកដាក់ គាំទ្របុព្វហេតុ កសាងនិងអភិវឌ្ឍន៍ប្រទេសវេណេហ្ស៊ុយអេឡាផងដែរ។

        ទំនាក់ទំនងទ្វេភាគីនឹងបន្តនូវការអភិវឌ្ឍន៍និរន្តភាព

        ឆ្នាំ២០១៤ វៀតណាមនិងវេណេហ្ស៊ុយអេឡាបានរំលឹកខួបលើកទី២៥នៃ ទិវាបង្កើតទំនាក់ទំនងការទូត។ ឯកអគ្គរដ្ឋទូតវេណេហ្ស៊ុយអេឡាប្រចាំនៅវៀត
ណាម លោក Jorge Rondon Uzcateguiបានសង្កត់ធ្ងន់ថា​៖

        “យថាទស្សន៍នៃទំនាក់ទំនងរយៈពេលមធ្យមនិងយូរអង្វែងរវាងប្រទេសទាំង ពីរពោរពេញទៅដោយសុទិដ្ឋិនិយម។ យើងខ្ញុំជឿជាក់ថា ក្រោយរយៈពេល២៥ឆ្នាំ បង្កើតទំនាក់ទំនងការទូតនេះ វៀតណាមនិងវេណេហ្ស៊ុយអេឡាបន្តការខំប្រឹង​ ប្រែងថែមទៀតដើម្បីពង្រឹងនិងពង្រីកទំនាក់ទំនងដៃគូយុទ្ធសាស្ត្រលើគ្រប់វិស័យ”

        ដោយឈរលើមូលដ្ឋានល្អប្រសើរនោះ ដំណើរទស្សនកិច្ចលើកនេះរបស់ ប្រធានាធិបតីវេណេហ្ស៊ុយអេឡា Nicolas Maduro Moros បានរួមចំណែកជម្រុញ ទំនាក់ទំនងដៃគូលើគ្រប់វិស័យរវាងវៀតណាមជាមួយ វេណេហ្ស៊ុយអេឡា ឲ្យកាន់តែស៊ីជម្រៅនិងជាក់ស្តែងពីមួយថ្ងៃទៅមួយថ្ងៃ៕