(VOV)_ការជះឥទ្ធិពលរបស់រុស្ស៊ី នៅមជ្ឈឹមបូពា៍ ដែលជាតំបន់ពោពេញទៅដោយ
អស្ថិរភាព កាន់តែច្បាស់ពីមួយថ្ងៃទៅមួយថ្ងៃ។ បណ្ដាកាយវិការការទូត យោធានាពេល
ថ្មីៗនេះ របស់រុស្ស៊ី នៅតំបន់នេះ ត្រូវបានមជ្ឈដ្ឋានអ្នកវិភាគចាត់ទុកថា៖ ម៉ូស្គូកំពុង
ទទួលបន្ថែមពន្ទុ ក្នុងកិច្ចការកសាងតួនាទីរបស់ខ្លួន នៅតំបន់នេះដែរ។
 |
| រុស្ស៊ីបង្កើនតួនាទីរបស់ខ្លួននៅមជ្ឈឹមបូពា៍ |
ការប្តូរទិសរបស់រុស្ស៊ីនៅមជ្ឈឹមបូពា៍នេះ បានចាប់ផ្តើមពីការដែលរុស្ស៊ីសម្រេចចិត្ត
វាយប្រហារតាមជើងអាកាសទៅលើកងកម្លាំងរដ្ឋឥស្លាមស្វ័យប្រកាស (IS) នៅស៊ីរី នា
ចុងខែកញ្ញាឆ្នាំ២០១៥។ ការចូលរួមរបស់រុស្ស៊ីនេះ បានធ្វើអោយផ្លាស់ប្តូរស្ថានភាពយោ
ធាជាច្រើនហើយបណ្ដាលអោយ IS រងការខូចខាតជាច្រើន។ បន្ទាប់នោះគឺទំនាក់ទំ
នងរវាងរុស្ស៊ី និងតួកគី សមាជិករបស់ NATO ត្រូវបានស្ដារឡើងវិញ ដោយមានកិច្ច
សហប្រតិបត្តិការជាក់ស្ដែងជាច្រើនបន្ទាប់ពីរយៈពេលមួយទំនាក់ទំនងនេះត្រូវផ្អាក់។
សញ្ញាសម្គាល់របស់រុស្ស៊ីនៅមជ្ឈឹមបូពា៍
ចាប់ពីពេលចុះហត្ថលេខាលើកិច្ចព្រមព្រៀងនុយគ្លេអ៉ែរ ២០១៥ អាមេរិកបាន
កាត់បន្ថយ វត្តមានរបស់ខ្លួន នៅក្នុងតំបន់នេះ។ នេះគឺជាឱកាសសំរាប់រុស្ស៊ីអះអាង
នូវកម្លាំងរបស់ខ្លួន នៅក្នុងតំបន់នេះ ក៏ដូចជានៅលើពិភពលោក។
ក្នុងចំណោមសម្ព័ន្ធមិត្តរបស់រុស្ស៊ី ស៊ីរីជាដៃគូប្រពៃណីមួយ។ ក្រោយរយៈពេល
មួយឆ្នាំ បន្ទាប់ពីពេលសម្រេចចិត្តវាយប្រហារតាមជើងអាកាស ទៅលើ IS នៅស៊ីរី
រុស្ស៊ីបានជួយឧបត្ថម្ភប្រធានាធិបតីស៊ីរី លោក Bashar Al Assad ដណ្ដើមបានតំបន់
ជាច្រើនក្នុងប្រទេសពីភាគីប្រឆាំង ដែលបានចាត់ទុកជាតំបន់មិនអាចដណ្ដើមមក
វិញបានឡើយ។ ដូច្នេះ កិត្យានុភាពរបស់រុស្ស៊ីត្រូវបានពង្រឹងនិងពង្រីកថែមទៀត។
ចំពោះតួកគី រុស្ស៊ីទទួលពាក្យសុំទោសពីប្រធានាធិបតី Tayyip Erdogan យ៉ាង
ឆាប់រហ័ស ដោយសារប្រទេសនេះបានបាញ់ទម្លាក់យន្តហោះ Su-24 របស់រុស្ស៊ី នាខែ
វិច្ឆកាឆ្នាំ២០១៥។ទន្ទឹមនឹងនោះ ថ្នាក់ដឹកនាំរុស្ស៊ីក៏ជាថ្នាក់ដឹកនាំមួយ ក្នុងចំណោម
ថ្នាក់ដឹកនាំយ៉ាងតិចតូចលើពិភពលោក បង្ហាញនូវការគាំទ្រចំពោះប្រធានាធិបតី
តួកគី ក្រោយពីអំពើរដ្ឋប្រហារបរាជ័យ នាខែកក្កដាកន្លងទៅ។ ប្រការនេះត្រូវបាន
ចាត់ទុកជាជំហានឆ្លាត របស់រុស្ស៊ី ចំពោះសមាជិកមួយរបស់ NATO។
ព្រឹត្តិការណ៍មួយទៀតក៏បានសរអោយឃើញនូវការជះឥទ្ធិពលកាន់តែធំឡើងៗ
របស់រុស្ស៊ីនៅមជ្ឈឹមបូពា៍នោះគឺ ដោយសារនាដើមខែសីហាកន្លងទៅ ជំនួបសន្ទនា
រវាងបណ្ដាប្រធានាធិបតី Azerbaijan , អ៊ីរង់ និងរុស្ស៊ី ជាប្រទេសមានបរិមាណប្រេង
រ៉ែច្រើនបំផុតលើពិភពលោក បានប្រព្រឹត្តទៅ នៅ Azerbaijan។អ្នកវិភាគនយោបាយ
Vladimir Lepekhin ទីភ្នាក់ងារសារព័ត៍មាន Rossiya Segonya បានចាត់ទុកថា៖
ជំនួបនេះជាទំព័រថ្មី ក្នុងសភាពការណ៍នយោបាយនាបច្ចុប្បន្ន។
មិនគ្រាន់តែពង្រឹងនិងពង្រីកតួនាទីរបស់ខ្លួន ក្នុងវិស័យនយោបាយប៉ុណ្ណោះទេ
មជ្ឈដ្ឋានអ្នកវិភាគថាគោលដៅរបស់រុស្ស៊ី នៅស៊ីរី ជាមូលដ្ឋានដើម្បីរុស្ស៊ីបើកទូលាយ
ការជះឥទ្ធិពលរបស់ខ្លួន នៅតំបន់មជ្ឈឹមបូពា៍នេះ។ ហើយចំពោះបណ្ដាអ្វីដែលបាន
និងកំពុងប្រព្រឹត្តទៅនេះ អាចអះអាងថារុស្ស៊ីបានត្រឡប់មកមជ្ឈឹមបូពា៍ពិតមែន
ហើយ។
 |
| ប្រធានាធិបតី លោក Vladimir Putin |
បណ្ដាប្រទេសលោកខាងលិចប្រុងប្រយ័ត្ន
ការវិលត្រឡប់មកវិញយ៉ាងខ្លាំងក្លារបស់រុស្ស៊ីនៅមជ្ឈឹមបូពា៍នេះ បានប្រព្រឹត្ត
ទៅក្នុងសភាពការណ៍អាមេរិកកំពុងអនុវត្តគោលនយោបាយឆ្ពោះទៅទ្វីបអាស៊ី។
គោលនយោបាយនេះរបស់អាមេរិក បានបើកផ្លូវអោយប្រទេសផ្សេងៗ ដែលក្នុង
នោះមានរុស្ស៊ី។
តាមមជ្ឈដ្ឋានអ្នកវិភាគថា៖បណ្ដាបំរ៉ែបំរូល ក្នុងទំនាក់ទំនងរវាងរុស្ស៊ី-តួកគី
និងអ៊ីរង់ដែលទាក់ទិនដល់សង្គ្រាម នៅស៊ីរីនេះ ពិតជាធ្វើអោយបណ្ដាប្រទេសលោក
ខាងលិច ត្រូវគិតគូ ជាពិសេសគឺក្នុងដំណាក់កាល ទំនាក់ទំនងរបស់ប្រទេសនិមួយៗ
ចំពោះលោកខាងលិចសុទ្ទតែមានបញ្ហារបស់ខ្លួនដែរ។
បណ្ដាកាយវិការនេះរបស់រុស្ស៊ីនៅមជ្ឈឹមបូពា៍ក្នុងរយៈពេលកន្លងទៅ បានសរ
អោយឃើញនូវការពិតជាក់ស្ដែងថា៖ រុស្ស៊ីដណ្ដើមបានជ័យជំនះ ក្នុងការអះអាងថា
នះរបស់ខ្លួន នៅតំបន់ក្តៅគគុកនេះ។ និយាយតាមបែបផ្សេងគឺ ប្រទេសរុស្ស៊ី ក្រោម
ការដឹកនាំរបស់ប្រធានាធិបតី លោក Vladimir Putin ដែលកំពុងមានជំហានលោត
ផ្លោះវែងមួយ ក្នុងការកសាងតុល្យភាពឡើងវិញ លើពិភពលោក៕