 |
| នាយករដ្ឋមន្ត្រីជប៉ុនលោក Shinzo Abe ក្នុងដំណើរទស្សនកិច្ចជាផ្លូវការនៅវៀតណាមនាខែមករាឆ្នាំ២០១៣ (VOV) |
Vovworld-ក្នុងអំឡុង៤០ឆ្នាំកន្លងមកតាំងពីពេលបង្កើតទំនាក់ទំនងការទូតនា
ខែកញ្ញាឆ្នាំ១៩៧៣ ទំនាក់ទំនងវៀតណាម-ជប៉ុនកំពុងស្ថិតក្នុងដំណាក់កាល
អភិវឌ្ឍន៍យ៉ាងខ្លាំងក្លា។ ទ្រពសម្បត្តិដ៏មានតំលៃនៃប្រទេសទាំងពីរគឺជាទំនុកទុក
ចិត្តគ្នាទៅវិញទៅមកនិងកិច្ចសហប្រតិបត្តិការលើគ្រប់វិស័យ តាមរយៈការដែលប្រទេសទាំងពីរបានបង្កើតទំនាក់ទំនងដៃគូយុទ្ធសាស្ត្រជាមួយការឯកភាពខ្ពស់របស់ថ្នាក់ដឹកនាំនិងការគាំទ្រដ៏ទូលាយរបស់ប្រជាជននៃប្រទេសទាំងពីរ។
ដៃគូកាន់តែសំខាន់របស់គ្នាពីមួយថ្ងៃទៅមួយថ្ងៃ
វៀតណាមនិងជប៉ុនបានក្លាយទៅជាដៃគូកាន់តែសំខាន់របស់គ្នាពីមួយថ្ងៃទៅមួយ
ថ្ងៃលើវិស័យទាំងអស់ពីនយោបាយ ការទូត សេដ្ឋកិច្ច-ពាណិជ្ជកម្ម ដល់វិនិយោគ
ជាដើម។
អំពីនយោបាយទំនាក់ទំនងមិត្តភាពសហប្រតិបត្តិការរវាងវៀតណាមនិងជប៉ុនបានពង្រឹងនិងលើកកំរិតឡើងកំពស់ថ្មីដោយឥតឈប់ឈរ គំរូគឺការដែលប្រទេសទាំងពីរឯកភាពលើកកំពស់ក្របខ័ណ្ឌទំនាក់ទំនងឡើងដៃគូយុទ្ធសាស្ត្រដើម្បីសន្តិភាពស្ថិរភាពនៅទ្វិបអាស៊ីនាឆ្នាំ២០០៩។
អំពីសេដ្ឋកិច្ច ជប៉ុនបានក្លាយទៅជាដៃគូសំខាន់ជួរមុខរបស់វៀតណាមនា
បច្ចុប្បន្ន។ ជប៉ុនជាវិនិយោគិនធំបំផុតអំពីចំនួនទុនចុះបញ្ជីនិងបរិមាណរំដោះទុនក៏ដូចជាបរិមាណគំរោងការណ៍។ អំពីពាណិជ្ជកម្ម ជប៉ុនជាដៃគូទ្វេភាគីធំទី៣របស់វៀតណាមជាមួយតំលៃពាណិជ្ជកម្មទទួលបាន២៤,៧ពាន់លានដុល្លារអាមេរិកក្នុង
ឆ្នាំ២០១២។ វាយតំលៃអំពីទំនាក់ទំនងវៀតណាម-ជប៉ុននាបច្ចុប្បន្ន ឧបនាយករដ្ឋមន្ត្រីនិងជារដ្ឋមន្ត្រីការបរទេសវៀតណាមលោក Pham Binh Minh បានចាត់ទុក
ថា៖
“ទំនាក់ទំនងវៀតណាម-ជប៉ុនកំពុងនៅដំណាក់កាលអភិវឌ្ឍន៍យ៉ាងខ្លាំងក្លា។ ទ្រពសម្បត្តិដ៏មានតំលៃនៃប្រទេសទាំងពីរគឺជាទំនុកទុកចិត្តគ្នាទៅវិញទៅមកនិងកិច្ចសហប្រតិបត្តិការលើគ្រប់វិស័យតាមរយៈការដែលប្រទេសទាំងពីរបានបង្កើត
ទំនាក់ទំនងដៃគូយុទ្ធសាស្ត្រជាមួយការឯកភាពខ្ពស់របស់ថ្នាក់ដឹកនាំនិងការគាំទ្រ
ដ៏ទូលាយរបស់ប្រជាជននៃប្រទេសទាំងពីរ។ នេះជាគ្រឹះស្ថានដ៏សែនសំខាន់ដើម្បី
នាំកិច្ចសហប្រតិបត្តិការវៀតណាម-ជប៉ុនកាន់តែស៊ីជម្រៅនិងប្រកបដោយប្រសិទ្ធ
ភាពពីមួយថ្ងៃទៅមួយថ្ងៃ។”
ការជិតស្និទ្ធអំពីភូមិសាស្ត្រ ទំនាក់ទំនងស្និទ្ធស្នាលដ៏យូរអង្វែងក្នុងប្រវត្តិសាស្ត្រ
រួមជាមួយផលប្រយោជន៍យុទ្ធសាស្ត្រក្នុងដំណាក់កាលនាបច្ចុប្បន្នធ្វើឲ្យវៀតណាមនិងជប៉ុនកាន់តែខិតមកជិតគ្នាជាងទៀត។ មិនត្រឹមតែលៃទុកឲ្យគ្នាអាទិភាពសហប្រតិបត្តិការនៅកំរិតខ្ពស់បំផុតក្នុងវិស័យសេដ្ឋកិច្ចប៉ុណ្ណោះទេការជួបប្រាស្រ័យប្រជាជនរវាងវៀតណាមនិងជប៉ុនកាន់តែជិតស្និទ្ធពីមួយថ្ងៃទៅមួយថ្ងៃ។ ចំណងមិត្ត
ភាពរបស់ប្រជាជននៃប្រទេសទាំងពីរបានបង្ហាញដ៏រស់រវើសតាមរយៈការចែករំលែក
គាំទ្រយ៉ាងខ្លាំងក្លារបស់ប្រជាជនវៀតណាមជាមួយប្រជាជននិងប្រទេសជប៉ុនក្នុង
ដំណាក់កាលលំបាកបន្ទាប់ពីការរញ្ជួយដីរលកយក្សនាខែមិនាឆ្នាំ២០១១។ ស្ដីពី
ប្រការនេះ លោក Nghiem Vu Khai ប្រធានសមាគមមិត្តភាពវៀតណាម-ជប៉ុន បាន
ឲ្យដឹងថា៖
“ទំនាក់ទំនងការទូតជាផ្លូវការរវាងរដ្ឋទាំងពីរដែលបានបង្កើតមុននេះគំរប់ខួប៤០
ឆ្នាំ ប៉ុន្តែទំនាក់ទំនងការទូតប្រជាជនបានមានជាង៤០០ឆ្នាំទៅហើយ។ ក្នុងដំណើរ
ការអភិវឌ្ឍន៍ទំនាក់ទំនងប្រជាជាតិទាំងពីរបានរកឃើញចំណុចប្រហាក់ប្រហែល
ជាច្រើននិងធ្វើឲ្យចំណុចស្រដៀងគ្នានោះកាន់តែជ្រាលជ្រៅជាងទៀត។”
រួមសហប្រតិបត្តិការរួមអភិវឌ្ឍន៍
អាចឃើញថា ទំនាក់ទំនងសហប្រតិបត្តិការវៀតណាម-ជប៉ុនបានដូចសព្វថ្ងៃ
នេះជាលទ្ធផលនៃការខំប្រឹងប្រែងដោយមិនចេះហត់នឿយរបស់រដ្ឋាភិបាលនិងប្រជាជននៃប្រទេសទាំងពីរក្នុងអំឡុង៤០ឆ្នាំកន្លងមក។ នាពេលខាងមុខ ថ្នាក់ដឹក
នាំនៃប្រទេសទាំងពីរបានព្រមព្រៀងបន្តសហប្រតិបត្តិការអនុវត្តកម្មវិធីគំរោងការ
សំខាន់ជាច្រើន ដូចជាយុទ្ធសាស្ត្រឧស្សាហូបនីយកម្មរបស់វៀតណាមក្នុងក្រប
ខ័ណ្ឌនៃកិច្ចសហប្រតិបត្តិការវៀតណាម-ជប៉ុនដល់ឆ្នាំ២០២០ទស្សនវិស័យដល់
ឆ្នាំ២០៣០ជាដើម។ ដោយហេតុនេះ ដំណើរទស្សនកិច្ចជាផ្លូវការនៅជប៉ុនរបស់
នាយករដ្ឋមន្ត្រី Nguyen Tan Dung លើកនេះជាថ្មីម្ដងទៀតធ្វើឲ្យទំនាក់ទំនងដៃគូ
យុទ្ធសាស្ត្រវៀតណាម-ជប៉ុនអភិវឌ្ឍន៍ដ៏ជ្រាលជ្រៅជាង នាំមកនូវផលប្រយោជន៍សំរាប់ប្រទេសទាំងពីរ៕