(VOVworld)-សន្និសីទ “ពង្រឹងភាពជាដៃគូលើគ្រប់វិស័យអាស៊ី-អឺរ៉ុបក្នុងសតវត្ស
ទី២១” បានប្រារព្ធនាថ្ងៃទី២០មេសានៅទីក្រុងហាណូយ (វៀតណាម)។ នេះជា ការខំប្រឹងប្រែងរបស់វៀតណាមសំដៅរួមចំណែកក្នុងការបង្កើនកិច្ចសហប្រតិបត្តិ
ការនៃវេទិការសហប្រតិបត្តិការអាស៊ី-អឺរ៉ុប (ASEM) និងលើកកំពស់ប្រសិទ្ធភាព នៃការរួមចំណែករបស់វៀតណាមក្នុង ASEM ខណៈដែលសមាជិកអាស៊ី-អឺរ៉ុប កំពុងឆ្ពោះទៅសន្និសីទជាន់ខ្ពស់រំលឹកខួបលើកទី២០នៃទិវាបង្កើតវេទិការនេះ។

ឧបនាយករដ្ឋមន្ត្រី រដ្ឋមន្ត្រីក្រសួងការបរទេសវៀតណាម លោក Pham Binh Minh ថ្លែងមតិនៅក្នុងសន្និសីទ

        វេទិកាសហប្រតិបត្តិការអាស៊ី-អឺរ៉ុប (ASEM) បានបង្កើតនាខែមិនាឆ្នាំ
១៩៩៦ ។ ក្រោយរយៈពេល២០ឆ្នាំនោះ ASEM បានអះអាងនូវតួនាទីជាវេទិកា
សន្ទនា និងសហប្រតិបត្តិការសំខាន់ដែលមានទ្រង់ទាយធំបំផុតរវាងអាស៊ី
ជាមួយអឺរ៉ុប សំដៅជម្រុញនិន្នាការសហប្រតិបត្តិការនិងការតភ្ជាប់ក្នុងតំបន់
និងអន្តរជាតិ។

        សញ្ញាសម្គាល់នៃ២ទសវត្សបង្កើតនិងរីកធំធាត់របស់ ASEM

        ពីសមាជិកស្ថាបនិកចំនួន២៦នោះ ASEM បានមានការរីកចំរើនយ៉ាងឆាប់
រហ័ស កើនឡើងទ្វេដងអំពីបរិមាណសមាជិកនិងជាដំបូលរួមរបស់សមាជិក
ចំនួន៥៣ តំណាងឲ្យ ៦២%នៃចំនួនប្រជាជនលើពិភពលោក ស្រូបយក៥៧នៃ
GDP និង ៦៨%នៃ ពាណិជ្ជកម្មសកលលោក។ ឆ្លងកាត់រយៈពេល២០ឆ្នាំ ASEM
ទទួលបានសមិទ្ធិ គួរឲ្យកត់សម្គាល់ជាច្រើន ក្នុងការជម្រុញទំនាក់ទំនងភាពជា
ដៃគូលើគ្រប់វិស័យ រវាងទ្វីបទាំងពីរ។ សមាជិក ASEM ទាំងអស់ ក៏បានចែក
រំលែកជាមួយគ្នានូវ មនសិការរួមស្តីពីការបង្កើនជំនួបសន្ទនានិងសហប្រតិបត្តិ
ការដោយឈរលើមូល ដ្ឋានយល់ដឹងនិងជឿទុកចិត្តគ្នាទៅវិញទៅមក គោរព
ច្បាប់អន្តរជាតិ សំដៅរក្សាសន្តិភាព ធានាស្ថិរភាពនិងភាពសម្បូររុងរឿងនៅក្នុង
តំបន់ទាំងពីរ។

        វៀតណាមរួមចំណែកយ៉ាងសកម្មក្នុង ASEM

        ការចូលរួមវេទិកា ASEM ក្នុងនាមជាប្រទេសស្ថាបនិក បានគូសសញ្ញានូវ ជំហានអនុវត្តសំខាន់នៃគោលនយោបាយបើកទូលាយ ពហុភាគីនិងពហុបែប ទំនាក់ទំនងនិងការធ្វើសមាហរណក្មអន្តរជាតិរបស់វៀតណាម។​ សមាជិកក្នុង
ASEM សុទ្ធតែជាដៃគូសេដ្ឋកិច្ចពាណិជ្ជកម្មសំខាន់របស់វៀតណាម ស្រូបយក ៧០%នៃទុនវិនិយោគបរទេស  ៧០%នៃតម្លៃពាណិជ្ជកម្មអន្តរជាតិសរុបនិង៨០% នៃចំនួនភ្ញៀវទេសចរអន្តរជាតិ។ កិច្ចព្រមព្រៀងពាណិជ្ជកម្មសេរីចំនួន១៤ក្នុង ចំណោម១៦ដែលវៀតណាមបានចុះហត្ថលេខានិងកំពុងចរចារនោះ
គឺសុទ្ធតែជាសមាជិក ASEMទាំងអស់។ តួរលេខទាំងអស់នេះឆ្លុះបញ្ចាំងអំពី
ប្រសិទ្ធិភាព នៃកិច្ចសហប្រតិបត្តិការសេដ្ឋកិច្ចរវាងវៀតណាមជាមួយប្រទេស
ASEM នានា។ ទន្ទឹមជាមួយគ្នានោះ វៀតណាមបានរួមសហការយ៉ាងស្អិតរមួត
ជាមួយ សមាជិក ASEM ក្នុងបំណងថា នឹងមានប្រទេស ASEM ជាច្រើន
ថែមទៀត លើកកំពស់ផលប្រយោជន៍រួមក្នុងការរក្សាសន្តិភាព ស្ថិរភាព ដើម្បី
ការអភិវឌ្ឍន៍ និង ឡើងសម្លេងគាំទ្រលើគោលជំហររបស់វៀតណាម ក្នុងការធា
នាអធិបតេយ្យភាព បូរណភាពដែនដី​ ជម្រុញការដោះស្រាយជំលោះដោយសន្
តិវិធី ដោយឈរលើ មូលដ្ឋាននៃច្បាប់អន្តរជាតិ។​ហើយតាមរយៈវេទិកា ASEM
នេះ វៀតណាមនឹង មានបន្ថែមបទពិសោធន៍ក្នុងការគ្រប់គ្រង់និងកាត់បន្ថយ
ហានិភ័យនៃ គ្រោះ ធម្មជាតិ។

ទិដ្ឋភាពនៃសន្និសីទ

        បន្តរួមដំណើរជាមួយ ASEM

        វៀតណាមកំពុងបោះជំហានចូលដំណាក់កាលអភិវឌ្ឍន៍ថ្មី បន្តការផ្លាស់ប្តូរ រៀបចំខឿនសេដ្ឋកិច្ចឡើងវិញ ម្ចាស់ការនិងសកម្មធ្វើសមាហរណកម្មអន្តរជាតិ
លើគ្រប់វិស័យ។ គោលនយោបាយអាទិភាពមួយរបស់វៀតណាមនាពេលខាង មុខគឺបន្តរួមដំណើរជាមួយសមាជិកនានា និងរួមចំណែកដោយម្ចាស់ការនិង ជាក់ស្តែងជាងចូលក្នុងការខំប្រឹងប្រែងរបស់ ASEM និងសកលលោក។ ចំពោះ
វៀតណាមវិញ ក្នុងគោលនយោបាយរបស់ខ្លួន ASEM  នៅតែជាយន្តការសន្ទនា មួយនិងជាកិច្ចសហប្រតិបត្តិការអន្តរតំបន់ សំដៅទទួលបានការគាំទ្រនិង ប្រ
ភពកម្លាំងជាក់ស្តែងរួមចំណែករក្សាបរិយាកាសសន្តិភាព ស្ថិរភាពក្នុងតំបន់ ដើម្បីបុព្វហេតុអភិវឌ្ឍន៍សេដ្ឋកិច្ចសង្គមរបស់ប្រទេសជាតិ៕